"آمریکا چیخسا ایچ ساواش چیخابیلر"

افغانیستان خالق مجلیسی باشقانی میر رحمان رحمانی، آمریکا  گوجلرینین اؤلکه‌دن چکیلمه‌سی حالین‌دا تکرار ایچ ساواش چیخابیله‌جگی اویاریسی ائتدی.

رحمانی، مجلیس‌ده ائتدیگی دانیشمادا، خاریجی گوجلرین معین مقصد اوچون افغانیستانا گئتدیگینی و وارلیقلارینین دا اؤزل بیر وظیفه اوچون اولدوغونو ایفاده ائتدی.

خاریجی گوجلرین اؤلکه‌دن چکیلمه‌سی اوچون اؤلکه‌نین عمومی وضعیتینین اویغون اولمادیغینی دیله گتیره‌ن رحمانی، افغانیستان‌دا ایندی شدت حادثه‌سینین داوام ائتدیگینی و بئله بیر دؤورده چکیلمه‌نین ایچ ساواشا سبب اولابیله‌جگینی ایفاده ائتدی.

رحمانی، خاریجی گوجلرین اؤلکه‌دن یاخین زامان‌دا چکیلمه‌سی حالین‌دا افغانیستانین بیر دفعه داها اولوسلارآراسی تروریزمین یوواسینا چئوریله‌بیله‌جگی اویاریسی ائتدی.

آمریکا خاریجی ایشلر باخانی آنتونی بلینکن، اؤلکه‌سینین ۱۱ سپتامبرا قدر عسگرلرینی افغانیستان‌دان چکه‌جگینی ایفاده ائد‌رک، چکیلمه‌یی بو گون ناتو متفیقلریله دانیشاجاقلارینی سؤیله‌میشدی.