سوئز کانالیندا تورپاغا اوتوران گمی حرکته گتیریلیب
سوئز کانالیندا تورپاغا اوتوران "اِوِر گیوِن" یوک گمیسینین یئنیدن اوزمهسی تامین ائدیلیب.
میصر پرزیدنتینین مشاوری ایهاب ممیش سوئز کانالیندا سایا اوتوران گمینینین حرکت ائتدیریلمهسی سعیلرینده اوغورلو اولدوغونو آچیقلاییب.
ممیش دؤولت تلویزیونونا وئردیگی آچیقلامادا سوئز کانالیندا تورپاغا اوتوران گمینین خلاص ائدیلدیگینی و حرکت ائتدیگینی سؤیلهییب.
یئرلی مئدیادا یئر آلان خبرلرده ده گمینین نرمال ایستیقامتینه اوز توتدوغو، موتورلارینی ایشه سالدیغی و حرکته باشلادیغی ایفاده ائدیلیب.
خاطیرلاداق کی، مارس آیینین 24-ده نهنگ یوک گمیسی اؤلکهدهکی قوم فیرتیناسی و الوئریشسیز هاوا شرایطی نتیجهسینده گؤرمه قابیلیتینین آزالماسی سببیندن دونیانین ان واجیب سو یوللاریندان بیری اولان سوئز کانالیندا قضایا اوغراییب.
"اِوِر گیوِن" آدلی گمینین ائنسیز کانال دا قالاراق کئچید یولونو باغلاماسی نتیجهسینده کانالدا خیلی گمی کئچید نؤوبهسینده گؤزلمهلی اولوب و دنیز نقلیاتینین دایاندیریلماسی سببیندن خام نفت و LNG یوکلرینده فاصیلهلر یارانیب.
