لوبنان-دا حکومت بحرانی داوام ائدیر
لوبنان پرزیدنتی میشل عون اوکتبرآییندا یئنی حکومتی قورماق وظیفه‌سی تاپشیریلان سعد حریری‌یه مراجعت ائده‌رک یاخین زاماندا حکومتی فورمالاشدیرماغا و یا وظیفه‌نی باشقا‌لارینا بوراخماغا چاغیریب.
لوبنان پرزیدنتی میشل عون اوکتبرآییندا یئنی حکومتی قورماق وظیفه‌سی تاپشیریلان سعد حریری‌یه مراجعت ائده‌رک یاخین زاماندا حکومتی فورمالاشدیرماغا و یا وظیفه‌نی باشقا‌لارینا بوراخماغا چاغیریب.
دؤولت باشچی‌سی میشل عون تلویزیون واسیطه‌سیله ائتدیگی چیخیشدا تخمینن 5 آیدیر حکومتی فورما‌لاش‌دیرماق ایشی تاپشیریلان گله‌جک حرکاتی‌نین لیدری کئچمیش باش ناظیر حریری‌یه مراجعت ائده‌رک، "درحال حکومتی قورماق قونوسوندا منیمله راضیلاشماسی اوچون اونو (حریری) آنایاسا ایله معین ائدیلمیش مکانیزم‌لره اویغون اولا‌راق، هئچ بیر بهانه گتیرمه‌دن یا دا یوبانما اولما‌دان بعبدا سارایینا دعوت ائدیرم" دئییب.
عون حریرینی حکومتی قورماق اقتداریندا اولمایاجاغی تقدیرده بو وظیفه‌نی لاییقینجه یئرینه یئتیره‌جک اؤزگه‌لرینه بوراخماغا چاغیریب.
حریری ایسه پرزیدنت عونا یازیلی بیر آچیقلاما ایله جاواب وئریب.
یئنی حکومتی قورما تاپشیریغینی گؤتوردوگو 2020-جی ایلین اوکتبر آییندان بری‌دیر 16 دفعه بعبدا پرزیدنت ساراییندا اولدوغونو و پرزیدنت عون ون گؤروش تعیین ائدجگی تقدیرده 17-جی سارایا گئتمک‌دن شرف دویاجاغینی سؤیله‌ین حریری پرزیدنت عونا تقدیم ائتدیگی کابینه سیاهی‌سینی تصدیقلمه‌یه و یا ائرکن پرزیدنت سئچکی‌لری‌نین قارشی‌سینداکی مانعه‌لرین گؤتورولمه‌سینه چاغیریب.
فرق‌لی دین‌لره و مذهب‌لره سؤیکنن سیاسی بؤلگولر باخیمیندان اولدوقجا کؤو‌رک بیر قورولوشا صاحیب اولان لوبنان اقتصادیاتی 1975-1990-جی ایللردکی وطنداش محاربه‌سیندن بری ان بؤیوک بحران یاشاییر.
سیاسی قروپ‌لار آراسینداکی فیکیر آیری‌لیق‌لاری سببی ایله اؤلکه‌ده آیلاردیر یئنی حکومت قورولا بیلمه‌دی.
