سلاحلی سالدیریدا ۷ ایشچی حیاتینی ایتیردی
سون زامانلاردا اؤلکه‌ده سوءقصد سالدیریلاری آرتماغا باشلادی
1595215
افغانیستانین دوغوسونداکی ننگرهار ولایتینده‌کی آلچی/گچ فابریکاسینا سلاحلی سالدیریدا ۷ ایشچی حیاتینی ایتیردی.
ننگرهار پلیس ایداره‌سینین رئیسی جمعه گول همت، نامعلوم شخصلرین سرخرود وولسوالی‌سین‌ده‌کی آلچی فابریکاسینا سالدیردیقلارینی سؤیله‌دی. همت، سالدیریدا ۷ ایشچینین حیاتینی ایتیردیگینی آچیقلادی.
ننگرهار ولایت شوراسی عضوو نیلوفر عزیز ایسه سالدیریدا حیاتینی ایتیره‌ن ایشچیلرین هزاره شیعه‌لرین‌دن اولدوقلارینی و بو ایشین ترور هؤرگوتلری طرفین‌دن ائدیلمیش اولابیله‌جگینی قید ائتدی.
سالدیرینین مسئولیتینی هله اوستلنن اولمادی.
سون زامانلاردا اؤلکه‌ده سوءقصد سالدیریلاری آرتماغا باشلادی.
بو سحر ننگرهارین مرکزی جلال‌آباد شهرین‌ده دؤولت خسته‌خاناسین‌دا چالیشان بیر قادین حکیم بومبالی سالدیریدا اؤلموشدو.
