پاپ، عراقا گئدیر

تاریخده ایلک دفعه بیر پاپ عراقا گئدیر

1595041
پاپ، عراقا گئدیر

واتیکان سوزچوسو ماتیو برونی تشکیل ائتدیگی مطبوعات توپلانتیسین‌دا پاپین ۵-۸ مارس تاریخلری آراسین‌دا باش توتاجاق عراق سفرین‌دن دانیشدی.
۲۰۱۹.جو ایلین نوامبرین‌دا تایلند و ژاپن سفرلرین‌دن سونرا کوروناویروسون یاییلماسی ایله باغلی ۲۰۲۰.جی ایلده سفرلرینی آسقییا آلان پاپ ۶ مارسدا نجف‌ده شیعه دینی لیدئر آیت الله علی سیستانی ایله گؤروشه‌جک. ۷ مارسدا ایسه اربیل شهرین‌ده اولاجاق. بورادا عراق کورد یئرلی اداره‌سی ایله بیر آرایا گله‌جک. موصول و قاراقوشا باش چکه‌جک. ۸ مارسدا واتیکانا قاییداجاق.
واتیکان سوزچوسو ماتیو برونی، "سالقین سببی ایله تخمیناً ۱۶ آیدیر یورددیشینا چیخمایان پاپ خاریجه اولان ۳۳.جو سفرینی عراقا ائده‌جک" دئدی. 
پاپین، ایلک دفعه جمعیتینین چوخونون شیعه‌لردن اولوشان بیر اولکه‌یه گئتدیگینی دیله گتیرن برونی، عراقدا دیگر سفرلردن فرقلی اولاراق گوونلیک احتیاجلارینین اولدوغونو سؤیله‌دی و "پاپین زره‌لی آراج قوللانماسی محتمل‌دیر" یورومونو گتیردی.



ایلگیلی‌لی خبرلر