ایران: آمریکا‌دان بیر مئساژ آلدیق

ایران، اؤلکه‌ده توتوقلو اولان آمریکالیلارلا باغلی سوئیس ائلچیلیگی آراچیلیغی ایله آمریکا‌دان بیر مئساژ آلیندیغینی آچیقلادی.

ایران خاریجی ایشلر باخانلیغی سؤزچوسو سعید خطیب‌زاده، ایران حبس‌خانالارین‌دا ساخلانیلان آمریکا وطنداشلارینین سربست بوراخیلماسی اوچون واشینگتن یؤنتیمی ایله بیرباشا تماس اولمادیغینی بیلدیررک بو قونودا بعضی اؤلکه‌لرین خاریجی ایشلر باخانلاری و سوئیس ائلچیلیگی آراچیلیغی ایله آمریکا یؤنتیمیندن مئساژ آلیندیغینی بیلدیردی.

ایرانین رسمی خبر آژانسی ایرنایا گؤره، آمریکا حبس‌خانالارین‌دا اولان ایران وطنداشلارینین سربست بوراخیلماسینین اؤنجه‌لیکلری اولدوغونو بیلدیره‌ن خطیب‌زاده، قونونو مذاکیره ائتمه‌یه حاضر اولدوقلارینی سؤیله‌دی.

تهران ایله واشینگتن آراسین‌داکی دیپلوماتیک مسئله‌لر سوئیس واسطه‌سی ایله حل اولونور.

آمریکا اولوسال گوونلیک مشاویری جیک سالیوان، ایران حبس‌خاناسین‌دا اولان آمریکالیلارین قورتاریلماسی اوچون تهرانلا باغلانتی قوردوقلارینی آچیقلادی.