"اسرائیل، ایراندان گلن تهلوکهنی تک باشینا آرادان قالدیرماق مجبوریتینده"
هنغبی: تهران رهبرلیگینین نوکلئر فعالیتینین قارشیسینی آلماق اوچون گلهجکده (ایرانا حربی سالدیردان) باشقا بیر سئچهنک قالمایابیلر
اسرائیل یئرلشیم بیریملری باخانی تساحی هنغبی، آمریکا اوردوسونون هئچ بیر زامان ایرانین نوکلئر تاسیسلرینی وورمایاجاغینی ایفاده ائدرک، اسرائیلین تک باشینا حرکت ائتمهلی اولابیلهجگینی بیلدیردی.
هنغبی، اسرائیل اجتماعی یایین قورولوشونا آچیقلاماسیندا، تهران رهبرلیگینین نوکلئر فعالیتینین قارشیسینی آلماق اوچون گلهجکده (ایرانا حربی سالدیردان) باشقا بیر سئچهنگین قالمایابیلهجگینی دیله گتیررک،
"آمریکا، هئچ واخت ایرانداکی نوکلئر تاسیسلره سالدیرمایاجاق. اسرائیل بو تهلوکهنی آرادان قالدیرماق اوچون باغیمسیز حرکت ائتمک مجبوریتینده قالابیلر" ایفادهلرینی ایشلتدی.
ایرانلیلارین اسرائیله قارشیلیق وئرمه ظرفیتلرینین "چوخ محدود" اولدوغونو ادعا ائدن هنغبی،
"اسرائیل اتما صاحب بیر ایرانی قبول ائدیب ائتمهیهجگینه قرار وئرمهلیدیر" دئدی.
جو بایدنین آمریکادا باشقان سئچیلمهسیندن سونرا اسرائیل مقاملارینین ایرانین نوکلئر فعالیتلرینه قارشی وئردیگی آچیقلامالار دقت چکیجیدیر.
اسرائیل انرژی باخانی یووال ایستینیتز ده، ایران اتم بومباسی حاضرلاماقدان ۱-۲ ایل اوزاقدا اولدوغونو ادعا ائتدی.
آمریکا دیش ایشلری باخانی آنتونی بلینکن ایسه، ایرانین برجام آنلاشماسینا اساساً قویولان محدودیتلری لغو ائتمهیه داوام ائتمهسی دوروموندا، نوکلئر سلاح اوچون لازیم اولان اورانیومو هفتهلر ایچینده الده ائدهبیلهجگینی ادعا ائتدی.
ایلگیلیلی خبرلر
افغانیستاندا سئلده اؤلنلرین ساییسی ۷۰ نفره چیخدی
شدتلی یاغیشلارین یول آچدیغی سئلده حیاتینی ایتیرهنلرین ساییسی ۷۰ نفره، یارالی ساییسی ۵۶ نفره یوکسلدی
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب