ایسرائیل ایله ویزانی قالدیران ایلک عرب اؤلکه‌سی امارات اولدو
آنلاشمانین قوه‌یه مینمه‌سی ایله امارات، وطنداشلاری ایسرائیله ویزاسیز گئده‌‌‌بیله‌ن ایلک عرب اؤلکه‌سی اولدو
بیرلشمیش عرب امیرلیکلری، وطنداشلاری ایسرائیله ویزاسیز گیره‌بیله‌ن ایلک عرب اؤلکه‌سی اولدو.
ایسرائیل خاریجی ایشلر باخانلیغیندان وئریله‌ن یازی‌لی آچیقلامایا گؤره، امارات خاریجی ایشلر باخانلیغی ویزا معافیتینه باغلی آنلاشمانین اونایلانمیش حالینی ایسرائیله سوندو.
آچیقلامادا آنلاشمانین ۳۰ گون ایچریسینده قوه‌یه مینه‌جگی و ایسرائیل وطنداشلارینین اماراتا ویزاسیز گئده‌بیله‌جگی بیلدیریلدی.
آنلاشمانین قوه‌یه مینمه‌سی ایله امارات، وطنداشلاری ایسرائیله ویزاسیز گئده‌‌‌بیله‌ن ایلک عرب اؤلکه‌سی اولدو.
ایسرائیل ۱۵ سپتامبردا آمریکادا آغ ائو‌ده امارات و بحرینله ایلیشکیلری نورماللاشدیرما آنلاشماسی ایمضالامیشدی.
ایسرائیل و امارات ۲۰ اوکتبر تاریخینده قارشی‌لیق‌لی ویزا معافیتی حاقین‌دا بیر آنلاشما ایمضالارکن، ایسرائیل رهبرلیگی ۲۲ نوامبر تاریخینده آنلاشمانی اونایلایاراق امارات وطنداشلارینین اؤلکه‌یه ویزاسیز گیرمه‌سینه اونای وئردی .
