آذربایجان و ارمنستان استخبارات باشقانلاری گؤروشدو
آذربایجان دؤولت تهلوکهسیزلیک خیدمتی باشقانی و ارمنیستان اولوسال گوونلیک سرویسی باشقانی سون بیر هفتهده ایکی دفعه گؤروشدو
آذربایجان دؤولت تهلوکهسیزلیک خیدمتی باشقانی علی ناغییئو و ارمنیستان اولوسال گوونلیک سرویسی باشقانی آرمن آبازیان سون بیر هفتهده ایکی دفعه گؤروشهرک ایکی اؤلکهنین سرحدینده و داغلیق قاراباغدا تهلوکهسیزلیک مؤوضوعلارینی مذاکیره ائتدیلر.
آذربایجان دؤولت تهلوکهسیزلیک خیدمتینین وئردیگی آچیقلامادا ناغییئوله آبازیانین ایلک دفعه ۸ ژانویهده ناخچیوان اؤزارک جمهوریتی ایله ارمنیستان آراسینداکی طرفسیز بؤلگهده و ۱۰ ژانویهده ارمنیستانین سونیک ویلایتینه یاخین سرحد بؤلگهسینده گؤروشدوکلری بیلدیریلدی.
سون گؤروشمهده ایکی اؤلکهنین سرحد خیدمتلری قوموتانلارینین دا اولدوغو بیلدیریلدی.
آچیقلامادا گؤروشمهلر زامانی ایکی اؤلکه سرحدیندهکی حادثهلرین بیرلیکده آراشدیریلماسی، آذربایجان اوردوسونون ایشغالدان قورتاردیغی داغلیق قاراباغ و دیگر بؤلگهلرین تهلوکهسیزلیگی، چاتیشما بؤلگهلرینده باسدیریلان جسدلرین یئرلرینین معین ائدیلمهسی و اسیرلرین دییشیمی کیمی قونولارین مذاکیره ائدیلدیگی وورغولاندی.