ایران ترامپ حاقیندا اینترپل‌دان "قیرمیزی اعلان" ایسته‌دی

ایران یارغی ارکی سؤزچوسو، سپاه اوردوسونون قدس گوجو باشچیسی سلیمانی‌یه سوءقصدله ایلگیلی یئریدیلن حقوقی پروسه‌یه باغلی تهران‌دا تشکیل ائتدیگی مطبوعات کنفرانسین‌دا معلومات وئردی

1557777
ایران ترامپ حاقیندا اینترپل‌دان "قیرمیزی اعلان" ایسته‌دی


ایران، آمریکا سالدیریسیندا اؤلدورولن قاسم سلیمانی سوءقصدی ایله باغلانتیلی آمریکا پرزیدنتی دونالد ترامپ دا داخیل اولماقلا ۴۸ آمریکالی حاقیندا اینترپل‌دان "قیرمیزی اعلان" ایسته‌دی.
ایران یارغی ارکی سؤزچوسو غلام حسین اسماعیلی، سپاه اوردوسونون قدس گوجو باشچیسی سلیمانی‌یه سوءقصدله ایلگیلی یئریدیلن حقوقی پروسه‌یه باغلی تهران‌دا تشکیل ائتدیگی مطبوعات کنفرانسین‌دا معلومات وئردی.
عراق باش‌دا اولماقلا بؤلگه‌ده‌کی ۶ اؤلکه ایله سوءقصد تحقیقاتیندا امکداش‌لیق ائتدیکلرینی ایفاده ائد‌ن اسماعیلی،
"آمریکا پرزیدنتی باش سوچلو اولماقلا، پنتاگون‌داکی قوموتانلار و وظیفه‌لی‌لرله بؤلگه‌ده‌کی آمریکا عسگرلری ده داخیل ۴۸ نفرین سوءقصدده رولو معین ائدیلدی" دئدی.
اسماعیلی، بو آمریکالی یئتکی‌لی‌لری ایله باغلی اینترپل‌دان قیرمیزی بیلدیریش طلب ائتدیکلرینی بیلدیردی.
آمریکا، ۳ ژانویه ۲۰۲۰‌ده بغداد هاوا لیمانین‌دا سلیمانی و یانینداکی‌لارین ماشین کاروانینا هاوا سالدیریسی تشکیل ائتمیشدی.
سالدیریدا سلیمانی ایله یاناشی۱۰ نفر اؤلموشدو.
ترامپ، آمریکایا تهدید یاراتدیغی اوچون سلیمانی‌نی اؤلدورمه امری وئردیگینی آچیقلامیشدی.



ایلگیلی‌لی خبرلر