ایران اورانیومو یوزده ۲۰ زنگینلشدیرمه‌یه باشلادی
ایران بو گون فردو نووه تاسیسینده یوزده ۲۰ اورانیوم زنگینلشدیرمه ایشلرینه باشلادی
ایران فردو تاسیس‌لرین‌ده اورانیوم زنگینلشدیرمه‌یه باشلادی.
ایران دؤولت سؤزچوسو علی ربیعی، بو گون ایرانین فردو نووه تاسیسینده یوزده ۲۰ اورانیوم زنگینلشدیرمه ایشلرینه باشلادیقلارینی آچیقلادی.
جمعه ائرته‌سی گونو ایران اتم انرژی‌سی آژانسی رئیسی علی اکبر صالحی، مجلس‌ده قبول ائدیله‌ن قانونا اساسا اولوسلارآراسی اتم انرژی‌سی آژانسینا اورانیومو یوزده ۲۰ زنگینلشدیره‌جکلری باره‌ده بیلگی وئردیکلرینی سؤیله‌دی.
باتی‌دا 'ایران نووه پروگرامینین آتاسی' اولاراق آدلاندیریلان مدافعه باخانلیغینین آراشدیرما و یئنیلیکچی‌لیک انستیتوسو رئیسی محسن فخری‌زادنین اؤلدورولمه‌سین‌دن (۲۷ نوامبر ۲۰۲۰) سونرا مجلسه گتیریلیب اونایلانا‌ن قانون، ایران اتم انرژی‌سی قورومونون اورانیومو یوزده ۲۰ زنگینلشدیرمه‌یه باشلاماسی و آشاغی سویه‌ده زنگینلشدیریلمیش اورانیم ذخیره‌سینی آرتیرماسینی مجبوری قیلیر.
نووه آنلا شماسی ایسه ایرانا اورانیومو ان چوخ یوزده ۳.۶۷ نیسبتین‌ده زنگینلشدیرمه‌یه ایمکان وئریردی.
