ایران مجلسینین ۲۹ ملت وکیلی آنادیلده ائییتیم تاساریسینی مجلس باشقانینا سوندو
"آنا دیلده ائییتیم حاقی قونوسونا، انسان حاقلاری ایله باغلی بیر چوخ سند و آنلاشمادا و ایران آنایاساسینین ۱۵.جی مادهسینده ده یئر وئریلمیشدیر"
ایران مجلسینین ۲۹ ملت وکیلی حاضیرلادیقلاری آنادیلده ائییتیم تاساریسینی مجلس باشقانینا سوندو.
اخبار مجلس سایتینین خبرینه گؤره، تاساریدا،
"آنا دیلده ائییتیم حاقی قونوسونا، انسان حاقلاری ایله باغلی بیر چوخ سند و آنلاشمانین یانی سیرا ایران آنایاساسینین ۱۵.جی مادهسینده ده یئر وئریلمیشدیر. ائتنیک و سوسیال چئشیدلیلیک، توپلوما قازاندیردیغی امکانلارلا، دوغرو دگرلندیریلدیگی زامان، بؤیومه، قالخینما و سیاسی، اقتصادی، سوسیال و کولتورل یاخینساما قایناغی اولابیلر.
بو آرادا، آنایاسانین تام اولاراق اجراسی ائتنیک قروپلارین ان اؤنملی ایستکلریندن بیری اولان ۱۵.جی ماده طلبینین قارشیلانماسیندا ساغلام بیر آددیم اولاجاق. دولاییسیلا بو تاساری، قانونی آشامالاردان گئچمهسی اوچون مجلسه سونولور" ایفادهلرینه یئر وئریلدی.
تاساریدا "آنادیلده ائییتیم حاقی"نا وورغو ائدیلسه ده اخبار مجلس سایتی بو خبرین باشلیغیندا "آنا دیلی ائییتیمی اوچون تاساری" ایفادهسینی قوللاندی.
خبرین سونوندا تاسارینی مجلسه سونان ۲۹ ملت وکیلینین آدی درج ائدیلمیشدیر.