کاظمینین نمایندهسی ایرانا گئتدی
ایران خاریجی ایشلر باخانلیغی: قیناییریق و رد ائدیریک

عراقداکی دؤولت و شیعه سلاحلی گروهلار آراسینداکی گرگینلیکدن سونرا باشباخان مصطفی الکاظمینین نمایندهسی ایرانا گئتدی.
ایران خاریجی ایشلر باخانلیغینین سؤزچوسو سعید خطیبزاده مطبوعات کنفرانسیندا بغدادداکی گرگینلیکدن سونرا عراق نماینده هئیتینین تهرانا گلدیگینی سؤیلهدی.
ایرانلی سؤزچو، عراقداکی صدر حرکتینین لیدئری مقتدا الصدرین عراقی چاتیشما بؤلگهسینه چئویرمکدن وازگئچملری اوچون آمریکا و ایرانا چاغریسی ایله باغلی،
"ایرانا گؤره، دیپلوماتیک مکانلارا و یاشاییش منطقهلرینه ائدیلهن سالدیریلار قبول ائدیلمزدیر. ایرانین دیپلوماتیک مکانلارینا دا بوندان اؤنجه سالدیریلمیشدی. آمریکا پرزیدنتی دونالد ترامپ و خارجی ایشلر باخانی مایک پومپئونون دئدیکلرینی ده قیناییریق و رد ائدیریک" دئدی.
عراق باشباخانی مصطفی کاظمی، ۲۵ دسامبردا دؤولت و شیعه سلاحلی گروهلار آراسینداکی گرگینلیکدن سونرا، سوسیال مئدیا حسابیندان شیعه سلاحلی گروهلارلا قارشی قارشییا گلمهیه حاضر اولدوقلارینی بیلدیرمیشدی.
شیعه گروهلارا باغلی سلاحلی عنصورلارین بغدادین الرصافه سمتینین بعضی بؤلگهلرینه یئرلشدیگی ادعا ائدیلدی.
ایلگیلیلی خبرلر

اوکراینا روسیانین حربی ایتکیلرینی آچیقلاییب
بو بارهده اوکراینا سلاحلی قوهلرینین باش قرارگاهینین " فیس بوک" صحیفهسینده بیلدیریلیب.

رئیسی: بیر مرکز قوردوق
"باشقالارینین بیزیم یئریمیزه قرار وئرمهسینی گؤزلهمکله اؤلکهنین ایرلیلهمهسینی دوردورمایاجاغیق"