میتسوتاکیس اعتراف ائتدی
میتسوتاکیس تورکیه-یونانیستان گرگینلیگینی تورکیه-آوروپا بیرلیگی گرگینلیگینه چئویردیکلرینی اعتراف ائدیب.
یونانیستانین باش ناظیری کیریاکوس میتسوتاکیس تورکیه ایله یاشادیقلاری آنلاشمازلیغی "تورکیه-آوروپا بیرلیگی آنلاشمازلیغینا چئویرمگی باجاردیق" دئییب.
میتسوتاکیس تلویزیون کاناللاریندان بیرینده قاتیلدیغی پروقرامدا دوغو آغ دنیزی و 10-11 دسامبر تاریخلرینده کئچیریلهجک آوروپا بیرلیگی لیدرلر ذیروه سی ایله علاقهدار آچیقلامالار وئریب.
"یونانیستان-تورکیه آنلاشمازلیقلارینی تورکیه-آوروپا بیرلیگی موباحیثه سینه چئویرمگی باجاردیق" دئین میتسوتاکیس اوکتبر آیینداکی آوروپا ذیروهسینین تورکیه-یه بیر شانس وئردیگینی، آنجاق تورکیه-نین "بو مثبت گوندمه قاپیلارینی آچمادیغینی" ایرهلی سوروب.
"گرگینلیگی داوام ائتدیرمک تورکیه-نین ماراقلارینا اویغون دئییلدیر. تورکیه آوروپا ایله علاقهلرینی یئنیدن قیمتلندیرمهلیدیر" دئیه میچوتاکیس ادعا ائدیب.
قئید ائدک کی، تورکیه دوغو آغ دنیزیندکی اؤز سولاریندا و قوزیی قیبریس تورک جمهوریتینین "تورک پترول لری آنونیم اورتاکلیغی"نا وئردیگی ایجازه ساحهلرینده اولوسلار آراسی حقوقا اساسلانان حاقلاری چرچیوهسینده آراشدیرما و قازما فعالیتلرینی داوام ائتدیریر.