عراق تورکمن جبهه‌سی‌نین رهبری ارشاد صالحی آذربایجانی تبریک ائدیب

عراق تورکمن جبهه‌سی‌نین (ITC) رهبری ارشاد صالحی آذربایجانین قاراباغ-‌داکی غلبه‌سی و بوندان سونرا ائرمنیستانلا ایمضالادیغی موقاویله موناسیبتیله تبریک مئساژی یاییب.

1532873
عراق تورکمن جبهه‌سی‌نین رهبری ارشاد صالحی آذربایجانی تبریک ائدیب

عراق تورکمن جبهه‌سی‌نین (ITC) رهبری ارشاد صالحی آذربایجانین قاراباغ-‌داکی غلبه‌سی و بوندان سونرا ائرمنیستانلا ایمضالادیغی موقاویله موناسیبتیله تبریک مئساژی یاییب.

صالحی مئساژیندا قهرمان آذربایجان سلاحلی قوه‌لری‌نین 30 ایله یاخین‌دیر ائرمنیستان طرفیندن ایشغال آلتیندا اولان داغلیق قاراباغ بؤلگه‌سی‌نین آزادلیغی اوچون باشلاتدیغی عکس-هوجوم عملیاتی‌نین تاریخی اوغورلا داوام ائتدیگینه شاهید اولدوق‌لارینی بیلدیریب.

صالحی مئساژیندا "آذربایجان پرزیدنتی الهام علی یئوین رهبرلیگی آلتیندا آپاریلان ثمره‌لی سیاسی و دیپلوماتیک دانیشیق‌لارین نتیجه‌سی اولا‌راق هم میداندا، هم ده ائرمنیستانین تسلیم اولماسی ایله ماسادا غلبه الده ائدیلمه‌سی و اولوسلار حقوقا ضد اولا‌راق ایشغال اولونموش آذربایجان اراضی‌لری‌نین آزاد ائدیلمه‌سی تاریخی بیر غلبه‌دیر" ایفاده‌سینی ایشلدیب.

9 نویابر 2020-جی ایلده ایمضا‌لانان داغلیق قاراباغ آتشکس راضیلاشماسی‌نین بؤلگه‌یه و بوتون قافقازا باریش و امین-آمان‌لیق گتیرمه‌سینی دیله‌ین صالحی ایللردیر دیدرگین دوشن آذربایجان سویداش‌لاری‌نین اؤز تورپاق‌لارینا قاییتماسینی آرزولادیغینی دا دیله گتیریب.



ایلگیلی‌لی خبرلر