درعا-دا 98 نفر اسد رژیمی‌نین ایشگنجه‌سی نتیجه سینده هلاک اولوب

سوریه رژیمی روسیانین واسیطه‌چی‌لیگی ایله حربی موخالیف‌لرله 2018-جی ایلده ایمضالادیغی درعا موقاویله‌سینی پوزا‌راق، بورادا سون ایکی ایلده 98 نفره ایشگنجه وئره‌رک اؤلدوروب.

آرا‌لاریندا سوریه وطنداش محاربه‌سی‌نین باشلاماسی ایله اسد رژیمی‌نین اوردوسون‌دان آیریلان 40-ا یاخین کئچمیش عسگر ده داخیل اولماقلا 98 نفر موقاویله‌ده یئر آلان "باریشیق" حقوقون‌دان یارارلانماغا جهد ائدرکن حبس ائدیله‌رک، ایشگنجه وئریلیب و اؤلدورولوب.

2018 -جی ایلده اعلان ائدیلن آتشکسدن فایدالانماق اوچون رژیمه مراجعت ائدن اونلارلا درعا-لی‌نین ایسه هله ده حبس ده اولدوغو بیلدیریلیب.

قئید ائدک کی، اسد رژیمی و طرفدارلاری روسیانین هاوا دستکی ایله 20 ژوئن 2018-جی ایلده موخالیفتین نظارتینده اولان درعا-یا حربی عملیات باشلادیب. روسیا و حربی موخالیفت 6 ژوئیه 2018-جی ایل تاریخینده سوریه-نین گونئی بؤلگه‌لرینی احاته ائده‌جک دایمی آتشکس راضیلاشماسی باره‌ده راضی‌لیق الده ائدیب‌لر.

راضیلاشمادا رژیمله گذشت ائتمک ایسته‌ین کئچمیش عسگرلر و سیویل لرین "عفو حاقی"ندان ایستیفاده ائدجگی ایله باغلی بیر ماده ده داخیل ائدیلیب.