ایران-دان امریکا-نین یئنی رهبرلیگینه تکلیف

امریکا-دا یئنی رهبرلیک تحریم لری لغو ائدجگی تقدیرده دایاندیرلان بوتون اتم عهده لیکلرینه قئید-شرط‌سیز قاییدیلا‌جاق.

1530629
ایران-دان امریکا-نین یئنی رهبرلیگینه تکلیف

امریکا-دا یئنی رهبرلیک تحریم لری لغو ائدجگی تقدیرده دایاندیرلان بوتون اتم عهده لیکلرینه قئید-شرط‌سیز قاییدیلا‌جاق.

بونو ایرانین خاریجی ایشلر ناظیری محمد جاواد ظریف "ایران" قزئتینه وئردیگی موصاحیبه‌ده دئییب.

ظریف غیری-رسمی نتیجه‌لره گؤره پرزیدنت سئچکی‌لرینده غالیب گلن دموکرات نامیزدی جو بایدین پرزیدنت سئچکی‌لری دؤورونده واشینقتونون اتم آنلاشماسینا دؤنمه‌سینی گؤزله‌دیک‌لرینی ایفاده ائدیب.

امریکانین اتم راضیلاشماسینا دؤنمه‌سی ایله باغلی دانیشیق‌لارا حاضیر اولدوق‌لارینی ایفاده ائدن ظریف "امریکا رهبرلیگی (پرزیدنت دونالد) ترامپ اؤلکه‌سی‌نین ایشتیراکینی دایاندیردیغی اتم راضیلاشماسی‌نین یئنی‌دن عضوو اولماق ایسته‌سه، بو اؤلکه‌نین راضیلیغا نئجه دؤنه جگی ایله باغلی دانیشیق‌لارا حاضیریق" دئییب.

اتم آنلاشماسینی دستکله‌ین و ایرانا قارشی تحریم لره سون قویولماسینی دا نظرده توتان بمت تهلوکه‌سیزلیک شوراسی‌نین 2231 سای‌لی قطعنامه سینه ایشاره ائدن ظریف "امریکا 2231 سایلی قطعنامه عذره عهده‌لیک‌لرینی یئرینه یئتیررسه، اتم آنلاشماسیندا بیز ده اؤز عهده‌لیک‌لریمیزی یئرینه یئتیرجییک. بونون اوچون دانیشیق‌لارا و یا هر هانسی شرطه احتیاج یوخ‌دور" دئیه بیلدیریب.

ظریف "بایدن امریکا پرزیدنتی کیمی آغ ائوده اولسا اوچ فرمانی ایله بوتون تحریم لری لغو ائده بیلر" دئییب.

امریکا ایله دانیشیق‌لارا باشلاماق اوچون تحریم لرین ووردوغو زیانا گؤره "تضمینات" طلب ائدن دیگر ایران رسمی‌لرین‌دن، خصوصاً ایران پرزیدنتی حسن روحانی‌دن فرق‌لی اولا‌راق، ظریف امریکا-دان هئچ بیر تضمینات ایستمه‌ییب.

ایران پرزیدنتی روحانی کئچن آی ائتدیگی بیر چیخیشیندا اؤلکه‌سینه تحریم لر سببیله 150 میلیارد دو‌لار زیان دیدیگینی اعلان ائتمیشدی.

ترامپ رهبرلیگی 2018-جی ایلده ایرانلا قلوبال گوجلر آراسیندا ایمضا‌لانان اتم آنلاشماسیندان چیخمیش و تهرانا قارشی بیرطرف‌لی تحریم لر تطبیق ائتمه‌یه باشلامیشدی.

غیری-رسمی نتیجه‌لره گؤره امریکا-دا کئچیریلن پرزیدنت سئچکی‌لرینده غالیب گلن بایدن، 2015-جی ایلده باشقان یاردیمجیسی اولارکن ایرانلا ایمضا‌لانان اتم آنلاشماسینا دؤنه جگینی آچیقلاییب.



ایلگیلی‌لی خبرلر