ایستیقامت قاراباغ‌دیر، غلبه بیزیمله‌دیر

بونو آذربایجان مودافعه ناظیرلیگی‌نین مطبوعات خیدمتی‌نین مطبوعات کاتیبی سرهنگ آنار ایوازوو اوکتبرین 8-ده حربی اینفورماسیون مرکزینده کئچیریلن بریفینقده دئییب.

1505920
ایستیقامت قاراباغ‌دیر، غلبه بیزیمله‌دیر

آذربایجان اوردوسونون قطعیتلی عکس-هوجوم عملیاتی داوام ائدیب. ائرمنیستان-آذربایجان دؤولت سرحدی‌نین آغستافا رایونو ساحه‌سینده اوچوش کئچیرمه‌یه جهد گؤسترن دوشمن‌ین پیلوت‌سوز اوچوش آپاراتی هاوا هوجوموندان مودافعه بؤلمه‌لریمیز طرفیندن درحال محو ائدیلیب.

بونو آذربایجان مودافعه ناظیرلیگی‌نین مطبوعات خیدمتی‌نین مطبوعات کاتیبی سرهنگ آنار ایوازوو اوکتبرین 8-ده حربی اینفورماسیون مرکزینده کئچیریلن بریفینقده دئییب.

مودافعه ناظیرلیگی‌نین مطبوعات کاتیبی دئییب کی، ائرمنیستان سلاحلی قوه‌لری‌نین حربی حیسه‌سی‌نین قرارگاهینا، آلت یاپی سینا و سلاح-مهمات انبارلارینا بؤلمه‌لریمیز طرفیندن توپ ضربه لری ائندیریلیب. یئردییشمه‌یه جهد گؤسترن دوشمن‌ین دؤیوش تکنیکاسیندان عبارت حربی کولونو دقیق توپ آتشی ایله دارماداغین ائدیلیب. اوردوموزون دقیق آتش ضربه ‌لری نتیجه‌سینده جبهه‌نین موختلیف ایستیقامت‌لرینده دوشمن‌ین 10-دک تانکی، 6 عدد D-20 توپو، 1 عدد "آکاسیا" اؤزویئریین توپ قورغوسو، 30-دک اتومبیلی و خیلی سایدا جانلی قوه‌سی محو ائدیلیب.

ائرمنیستان اوردوسونون 1-جی و 7-جی آلای‌لاری‌نین مودافعه ساحه‌لرینده یئرلشن بؤلمه‌لری‌نین بیر قروپ عسگری دؤیوش موضع لرینی اؤزباشینا ترک ائده‌رک فراری‌لیک ائدیب‌لر.

آنار ایوازوو بیلدیریب کی، مغلوبیتله اوزلشن ائرمنیستان سلاحلی قوه‌لری گورانبوی، ترتر، آغدام، آغجابه‌دی رایون‌لارینی، او جمله‌دن"Toçka-U" تاکتیکی راکت کمپلکسیندن ایستیفاده ائده‌رک برده رایونونو توپ و راکت آتشینه توتوب. آذربایجان-‌لی سیویل اها‌لی آراسیندا اؤلن و یارا‌لانان‌لار وار. اوردوموز موناسیب تدبیرلر گؤرور. آذربایجان اوردوسونون آتش ضربه لری ائندیردیگی بوتون هدف‌لر اولوسلار آراسی اینسانی حقوق نورما‌لاری و پرینسیپ‌لرینه اویغون اولا‌راق لئگیتیم کاراکتر داشیییر.

"دؤیوشده ایشتیراک ائدن بؤلمه‌لریمیزین مادی – تکنیکی لجستیک باخیمیندان هئچ بیر پروبلئمی یوخ‌دور. پرسنل، او جمله‌دن حربی تجهیزات و دؤیوش واسیطه‌لریمیز بوتون نوع لجستیک واسیطه‌لری ایله تام شکیلده تامین ائدیلیب. خصوصیله قئید ائتمک ایستییرم کی، اوردوموز عکس-هوجوم عملیاتی باشلایان‌دان بو گوندک ایشغالدان آزاد اولونموش تورپاق‌لاریمیزدان بیر آدیم بئله گئری چکیلمه‌ییب. عکسینه، عملیات پلانینا اویغون بوتون تدبیرلر فاصیله‌سیز داوام ائتدیریلیر. ایستیقامت قاراباغ‌دیر. غلبه بیزیمله‌دیر"، - دئیه آنار ائیوازوو وورغولاییب.

 



ایلگیلی‌لی خبرلر