ایران-دا کروناویروس‌دان اؤلن‌لرین سایی 23 مینه چاتیر

بونو ایرانین ساغلیق، معالیجه و طبی تحصیل ناظیرلیگی‌نین سؤزچوسو سیما سادات لاری دئییب.

1489216
ایران-دا کروناویروس‌دان اؤلن‌لرین سایی 23 مینه چاتیر

ایران-دا اؤتن گون عرضینده 115 نفر کروناویروس‌دان (کووید-19) اؤلوب.

بونو ایرانین ساغلیق، معالیجه و طبی تحصیل ناظیرلیگی‌نین سؤزچوسو سیما سادات لاری دئییب.

سیما سادات لاری‌نین سؤزلرینه گؤره، بونونلا دا ایران-دا بو ویروس‌دان اؤلن‌لرین سایی 22 مین 913 نفره چاتیب.

ناظیرلیک رسمی‌سی دئییب کی، ایران-دا اؤتن 24 ساعات عرضینده 2 مین 313 کروناویروسا یولوخوب. بئله‌لیکله ایران-دا بو ویروسا یولوخان‌لارین سایی 397 مین 801 نفره یوکسلیب. اونلاردان 3 مین 753 نفرین وضعیتی آغیردیر.

سادات لاری علاوه ائدیب کی، ایران-دا ایندییه‌دک 342 مین 539 نفر کروناویروس‌دان ساغالیب.

سادات لاری قئید ائدیب کی، ایرانین تهران، مازنداران، گیلان، قم، اصفهان، رضوی خوراسانی، دوغو آذربایجان، کرمان، قوزیی خوراسان، سمنان، یزد، زنجان و قزوین ویلایت‌لری قیرمیزی زونا‌لار حساب اولونورلار.

ایران-دا ایندییه‌دک 3،5 میلیون‌دان چوخ تشخیص تستی حیاتا کئچیریلیب.



ایلگیلی‌لی خبرلر