سرگئی لاورووون تورکیه ایله امکداشلیغا دایر بیاناتی
روسیانین خاریجی ایشلر ناظیری سئرگی لاوروو اؤلکه‌سی‌نین تورکیه و ایران ایله سوریه مسئله‌سیندکی امکداش‌لیغی‌نین هر هانسی تیجارت علاقه‌سینه اساسلانمادیغینی سؤیله‌ییب.
روسیانین خاریجی ایشلر ناظیری سئرگی لاوروو اؤلکه‌سی‌نین تورکیه و ایران ایله سوریه مسئله‌سیندکی امکداش‌لیغی‌نین هر هانسی تیجارت علاقه‌سینه اساسلانمادیغینی سؤیله‌ییب.
روسیا باش ناظیری‌نین معاوینی یوری بوریسوو ایله سوریه-ده گؤروش‌لر کئچیرن لاوروو بشار اسد و اسد رژیمی‌نین خاریجی ایشلر ناظیری ولید معلم ایله گؤروشوب.
لاوروو روسیانین تورکیه و ایران مؤوضوعسونداکی امکداشلیغا توخونا‌راق، "بو امکداش‌لیق سوریه رهبرلیگی‌نین دستکی ایله اؤلکه‌لرین باش ناظیرلری طرفیندن قبول ائدیلن راضیلاشما‌لارا اساس‌لانیر. بو راضیلاشما‌لار هئچ بیر تیجارت علاقه‌سینه اساس‌لانمیر" دئییب.
تورکیه ایله ادلیب گرگینلیگین آزالدیلماسی بؤلگه‌سی مؤوضوع سون‌داکی راضیلاشما‌لارین دا قبول ائدیلدیگینه دقت چکن لاوروو "بو راضیلاشما وظیفه بؤلگوسو، ترورچولارلا موخالیفته آیری نظر سالینماسی، M4 اتوبانی اطرافیندا تهلوکه‌سیزلیک دهلیزی یارادیلماسینی نظرده توتور. بوتون بونلار یاواش، اما ان آزین‌دان ایستابیل شکیلده تطبیق اولونور. بونو سونا چاتدیراجاغیمیزی دوشونمه‌ییمیز اوچون بیر سبب وار" دئیه بیلدیریب.
لاوروو "ادلیب گرگینلیگین آزالدیلماسی بؤلگه‌سینه سوریه رهبرلیگی‌نین نظارت ائتدیگی اراضی‌لر روسیا ایله تورکیه آراسینداکی راضیلاشما‌لارین ایمضالانماسیندان بری‌دیر اهمیت‌لی سویه‌ده آرتیب" ایفاده‌سینی ایشلدیب.
ایلگیلی‌لی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطه‌نی ووروب
