روسیانین ایکی یوک اوچاغی‌‌نین سرت شهرینه ائندیگی بیلدیریلیب

سرت و جفره بیرگه عملیات ایداره‌سی‌نین سؤزچوسو ژنرال عبدالهادی دراه همین طیاره‌لرین سرته شهریندکی اولوسلار آراسی هاوا لیمانینا ائندیگینی بیلدیریب.

1470114
روسیانین ایکی یوک اوچاغی‌‌نین سرت شهرینه ائندیگی بیلدیریلیب

لیبی اوردوسو روسیانین ایکی یوک طیاره‌سی‌نین آوقوستون 9-دا اؤلکه‌نین دوغو حیسه‌سیندکی قانون‌سوز سلاحلی قوه‌لرین باشچی‌سی خلیفه خفترین سلاحلی‌لاری‌نین نظارتینده اولان سرت شهرینه ائندیگینی آچیقلاییب.

سرت و جفره بیرگه عملیات ایداره‌سی‌نین سؤزچوسو ژنرال عبدالهادی دراه همین طیاره‌لرین سرته شهریندکی اولوسلار آراسی هاوا لیمانینا ائندیگینی بیلدیریب.

اوچاق لارین حربی یوک اوچاق لاری اولدوغونو ایفاده ائدن دیراه داشیدیق‌لاری یوکله علاقه‌دار اطراف‌لی معلومات اولمادیغینی، آنجاق بونون حربی مهمات اولدوغونو تخمین ائتدیک‌لرینی سؤیله‌ییب.

قئید ائدک کی، بیرلشمیش عرب امیرلیک‌لری، میصر، فرانسا و روسیا طرفیندن دستک‌لنن خلیفه خفتر پایتاخت طرابلس-و اله کئچیرمک اوچون 2019-جو ایل آوریلین 4-ده سلاح‌لی‌لارینا هوجوم اوچون گؤستریش وئریب، اؤلکه‌نی شدت حادثه‌لریله قارشی-قارشییا قویوب.

مارس آیی‌نین 25-ده خفتر میلیس‌لرینه قارشی باشلایان "باریش فیرتیناسی" عملیاتی چرچیوه‌سینده لیبی اوردوسو ژوئن آیی‌نین 3-ده پایتاخت طرابلس-ون بوتون ایداری سرحدلرینده و 5 ژوئن ده ایسه استراتژی ترحونه شهری‌نین بوتون سرحدلرینه نظارتی اله کئچیریب.

ژوئن آیی نین 6-دا اوردو سرته، جفره حربی هاوا بازاسی و اطراف اراضی‌لری خفتره صادق میلیس‌لردن خلاص ائتمک اوچون "ظفر یول‌لاری" آدلی یئنی عملیاتین باشلاندیغینی اعلان ائدیب و همین بؤلگه‌ده یئرلشیب.



ایلگیلی‌لی خبرلر