لوبنان-ین پایتاختی بیروت-دا اعتراض آکسیا‌لاری داوام ائدیر

لوبنان-ین پایتاختی بیروت-دا آوقوستون 8-ده آخشام راده‌لرینده پارلامئنت بیناسینا یوروش ائتمک ایسته‌ین نوماییشچی‌لره تهلوکه‌سیزلیک قوه‌لری گؤزیاشاردیجی گازلا موداخیله ائدیب.

1470087
لوبنان-ین پایتاختی بیروت-دا اعتراض آکسیا‌لاری داوام ائدیر

لوبنان-ین پایتاختی بیروت-دا آوقوستون 8-ده آخشام راده‌لرینده پارلامئنت بیناسینا یوروش ائتمک ایسته‌ین نوماییشچی‌لره تهلوکه‌سیزلیک قوه‌لری گؤزیاشاردیجی گازلا موداخیله ائدیب.

پایتاختین مرکزیندکی شهیدلر میدانینا توپ‌لاشان بیر قروپ نوماییشچی 4 آوقوستدا بیروت لیمانیندا شدتلی پارتلاییشا گؤره گوناهلاندیردیق‌لاری سیاسی خادیم‌لره و رسمی‌لره اعتراض ائدیب‌لر.

تهلوکه‌سیزلیک قوه‌لری شهیدلر میدانینا یاخین پارلامئنت بیناسینا یوروش ائدن و بؤلگه‌دکی تهلوکه‌سیزلیک قوه‌لرینه داشلا هوجوم ائدن اعتراضچی‌لارا گؤزیاشاردیجی گازلا موداخیله ائدیب.

بو آرادا نوماییشچی‌لره قوشولماق اوچون شهیدلر میدانینا گئدن پرزیدنت میشئل عون‌ین دامادی و معاوینی "شامل روکز" آرا‌لاریندا هئچ بیر سیاستچی ایسته‌مه‌دیک‌لرینی ایفاده ائدن اعترارض چی‌لارین رئاکسیاسی ایله قارشیلاشیب.

بیر گون اول پایتاختدا توپ‌لاشان مین‌لرله وطنداش شهرده زلز‌له تأثیری یارادا‌راق 158 نفرین اؤلومونه و 6 میندن چوخ اینسانین یارالانماسینا سبب اولان پارتلاییشا گؤره گوناهلاندیردیق‌لاری دؤولت رسمی‌لرینه اعتراض ائدیب‌لر.

پارلامئنت بیناسینا گئتمک و بعضی ناظیرلیک بینا‌لارینا باسقین ائتمک ایسته‌ین نوماییشچی‌لر تهلوکه‌سیزلیک قوه‌لری‌نین موداخیله‌سی ایله اوزلشیب‌لر. گئجه‌یه قدر داوام ائدن حادثه‌لرده تهلوکه‌سیزلیک قوه‌سیندن بیر نفر اؤلوب 238 نفر یارالانیب، اونلاردان 70-ی تهلوکه‌سیزلیک ایشچی‌سی اولوب. 20 ایسه نفر نظارته آلینیب.



ایلگیلی‌لی خبرلر