ایران-دا کروناویروسدان اؤلنلرین سایی 18 مینی اؤتوب
بونو ایرانین ساغلیق ناظیرلیگینین سؤزچوسو سیما سادات لاری دئییب.
ایران-دا اؤتن گون عرضینده داها 156 نفرین کروناویروسدان (کووید-19) اؤلمهسی اؤز تصدیقینی تاپیب.
بونو ایرانین ساغلیق ناظیرلیگینین سؤزچوسو سیما سادات لاری دئییب.
سیما سادات لارینین سؤزلرینه گؤره، بئللیکله ایران-دا بو ویروسدان اؤلنلرین سایی 18 مین 132 نفره چاتیب.
سادات لاری علاوه ائدیب کی، ایران-دا اؤتن 24 ساعات عرضینده داها 2 مین 450 نفر کروناویروسا یولوخوب. بونونلا دا ایران-دا بو ویروسا یولوخانلارین سایی 322 مین 567 نفره یوکسلیب. اونلاردان 4 مین 136 نفرین وضعیتی آغیردیر.
ناظیرلیک رسمیسی ایران-دا 279 مین 724 نفرین کروناویروسدان ساغالدیغینی دئییب.
سادات لاری بیلدیریب کی، تهران، قم، مازنداران، گولوستان، دوغو آذربایجان، اردبیل، اصفهان، البرز، رضوی خوراسانی، کرمان، قوزیی خوراسان، سیمنان، مرکزی، یزد و گیلان ویلایتلری قیرمیزی زونا حساب اولونور.
ایران-دا ایندییهدک 2،63 میلیوندان چوخ تشخیص تستی حیاتا کئچیریلیب.