خالد المیشری:" تورکیه-‌دن کؤمک ایسته‌مکدن باشقا چاره قالمادی"

خالد المیشری اؤلکه‌نین دوغوسونداکی غیری-قانونی قوه‌لرین باشچی‌سی خلیفه خفتره باغلی میلیس‌لرین هوجوم‌لارینی گئری اوتورتماق اوچون تورکیه ایله موقاویله باغلادیق‌لارینی ووغولاییب.

1463197
خالد المیشری:" تورکیه-‌دن کؤمک ایسته‌مکدن باشقا چاره قالمادی"

لیبی دؤولت عالی شوراسی‌نین صدری خالد المیشری اؤلکه‌نین دوغوسونداکی غیری-قانونی قوه‌لرین باشچی‌سی خلیفه خفتره باغلی میلیس‌لرین هوجوم‌لارینی گئری اوتورتماق اوچون تورکیه ایله موقاویله باغلادیق‌لارینی ووغولاییب.

مراکش خاریجی ایشلر ناظیری  ناصر بوریتا  ایله پایتاخت رباط –دا رئاللاشدیردیغی گؤروش‌دن سونرا تشکیل ائدیلن اورتاق مطبوعات کنفرانسیندا چیخیش ائدن خالد المیشری دئییب: "خفترین 6-10 دؤولت طرفیندن دستکلندیک‌دن سونرا لیبی میللی کوالیسیون حکومتی تورکیه-‌دن یاردیم ایسته‌دی. چونکی بونلارین هامی‌سینا قارشی حکومتیمیزی مودافعه ائده‌جک گوجوموز یوخ ایدی.

لیبی 2013-جو ایلدن بری بیرلشمیش عرب امیرلیک‌لری ایله یاناشی میصر و باشقا اؤلکه‌لرین حربی موداخیله‌سینه معروض قالدی. حالبوکی بو وضعیت اولوسلار آراسی قرارلارا ضد ایدی.

خفتر یئنه بیر چوخ اؤلکه‌دن کؤمک ایستیینجه و طرابلس سرحدلرینه دایانینجا تورکیه-‌دن کؤمک ایسته‌مکدن باشقا چاره قالمادی. بو، طبیعی کی، قارشی‌لیق‌لی راضیلاشما‌لار یولویلا اولدو.

باشقا دؤولت‌لر اؤزلری خفتره دستک وئریر، اما قانونی حکومتیمیزین تورکیه-‌دن کؤمک ایستمه‌سیندن ناراحات اولورلار".

 

 



ایلگیلی‌لی خبرلر