روسیا:"ایاصوفیه قراری تورکیه-نین اؤز ایچ مسئله سی دیر"
سرگئی ورشینین، ژورنالیست‌لره وئردیگی شرحده، ایاصوفیه‌نین مسجید اولا‌راق عبادته آچیلماسی قرارینی قیمتلندیریب.
روسیانین خاریجی ایشلر ناظیرینین معاونی سرگئی ورشینین، ایاصوفیه-نین مسجید اولا‌راق عبادته آچیلماسی قراری‌نین "تورکیه-نین اؤز ایچ ایشلری" اولدوغونو ایفاده ائده‌رک، بونا نه اؤلکه‌سی نه ده باشقا دؤولت‌لر قاریشمامالی دیر، دئییب.
سرگئی ورشینین، ژورنالیست‌لره وئردیگی شرحده، ایاصوفیه‌نین مسجید اولا‌راق عبادته آچیلماسی قرارینی قیمتلندیریب.
آیاصوفیه مسئله‌سی‌نین دونیادا گئنیش عکس-صدا اویاندیردیغینی خاطیرلا‌دان سرگئی ورشینین،
"بونون تورکیه‌نین ایچ ایشلری اولدوغوندان حرکت ائدیریک. طبیعی اولا‌راق بونا نه بیزیم نه ده باشقاسی قاریشمامالیدیر." شکلینده دانیشدی.
سرگئی ورشینین، آیاصوفیه‌نین قلوبال کولتور و مدنیت باخیمیندان اهمیتلی اولدوغونا دقت چکدی.
قئید ائدک کی، تورکیه دؤولت شوراسی، 10 ژوئیه ده تاریخی قرارلا، 1934-جو ایل نوامبرین 24-ده تورکیه ناظیرلر کابینه‌سی‌‌نین آیاصوفیه-نین موزه کیمی فعالیت گؤسترمه‌سی حاقیندا قرارینی لغو ائدیب بوندان سونرادا جمهور باشقانی قراری ایله آیاصوفیه دیانت ایشلری باشقانلیغینا تحویل وئریلیب.
