علی یئو:"باکی-تفلیس-قارص دمیر یولونا "دمیر ایپک یولو" دئییلمه‌سی تصادفی دئییل"

الهام علی یئو گؤروش زامانی دئییب کی، 2017-جی ایلده باکی- تفلیس – قارص دمیر یولو فعالیته باشلاییب. حساب ائدیرم کی، بو، تاریخی حادثه‌دیر.

1448287
علی یئو:"باکی-تفلیس-قارص دمیر یولونا "دمیر ایپک یولو" دئییلمه‌سی تصادفی دئییل"

آذربایجان پرزیدنتی الهام علی یئو باکی-تفلیس-قارص دمیر یولو ایله 2020-جی ایلین ایلک آلتی آییندا داشینمیش یوک‌لرین حجمی‌نین 2019-جو ایلین عینی دؤورو ایله موقاییسه‌ده 3،7 دفعه چوخ اولدوغونو دئییب.

ژوئیه نین 2-ده افغانیستان پرزیدنتی‌نین تشببوسو ایله آذربایجان پرزیدنتی الهام علی یئو، افغانیستان پرزیدنتی محمد اشرف غنی و تورکمنیستان پرزیدنتی  قوربانقولو بردی محمدوو ایله ویدئوکنفرانس واسیطه‌سیله گؤروشو کئچیریلیب.

آذربایجان جمهور باشقانلیغی‌نین معلوماتینا گؤره، الهام علی یئو گؤروش زامانی دئییب کی، 2017-جی ایلده باکی-تفلیس-قارص دمیر یولو فعالیته باشلاییب. حساب ائدیرم کی، بو، تاریخی حادثه‌دیر.

تصادفی دئییل کی، بو یولا "دمیر ایپک یولو" دئییلیر. بو لاییحه قاره لری بیرلشدیریر. آذربایجان آسیا و آوروپا آراسیندا یئرلشن اؤلکه کیمی آوراسیا مکانیندا نقلیات- لجستیک ساحه‌سینه بؤیوک تحفه لر وئریر. باکی-تفلیس-قارص دمیر یولو ایله 2020-جی ایلین ایلک آلتی آییندا داشینمیش یوک‌لرین حجمی 2019-جو ایلین عینی دؤورو ایله موقاییسه‌ده 3،7 دفعه چوخ‌دور.



ایلگیلی‌لی خبرلر