جرابلس-ون اجتماعی رای لیدرلری "باهار قالخانی" عملیاتینا دستک‌لرینی بیلدیردیلر

سوریه-ده تورکیه سلاح‌لی قوه‌لری‌نین "فرات قالخانی" حرکاتی ایله تروردان تمیزلنن جرابلس-ون اجتماعی رای لیدرلری "باهار قالخانی" عملیاتینا دستک‌لرینی بیلدیردی‌لر.

1372591
جرابلس-ون اجتماعی رای لیدرلری "باهار قالخانی" عملیاتینا دستک‌لرینی بیلدیردیلر

سوریه-ده تورکیه سلاح‌لی قوه‌لری‌نین "فرات قالخانی" حرکاتی ایله تروردان تمیزلنن جرابلس-ون اجتماعی رای لیدرلری "باهار قالخانی" عملیاتینا دستک‌لرینی بیلدیردی‌لر.

یئرلی مجلیس بیناسیندا ییغینجاق کئچیرن خیلی سایداکی غیری-حکومت تشکیلات‌لاری و اجتماعی رای لیدرلری "باهار قالخانی" حرکاتیندا وظیفه ایجرا ائدن عسگرلر اوچون دعا ائدیب‌لر.

داها سونرا قروپ آدیندان آچیقلاما وئرن جرابلس یئرلی مجلیسین صدری آبیت خلیل، روسیا، ایران و اسد رژیمی‌نین هوجوم‌لاری سببیندن ادلیب و حلب-ده 4 میلیون‌دان چوخ سوریه-لی‌نین سوی قیریم ایله قارشی-قارشییا اولدوغونو سؤیله‌ییب:

"بو ظلم قارشی‌سیندا بوتون دونیا اعتراضینی بیلدیرمه‌لی‌دیر. آنجاق ساده‌جه تورکیه‌نین سسی ائشیدیلیر. سوریه خالقی عینی جوغرافیانین و عینی تاریخین اؤولادی اولان تورکیه جمهوریتی‌نین سوی قیریما اعتراضینی بیلدیرمه‌سی و بیزه ییه دورماسی اوچون سوریه-یه دعوت ائتمیش‌دیر. تورکیه جمهوریتی‌نین میلیون‌لارلا سیویل شخصی سوی قیریمدان خلاص ائتمک اوچون باشلاتدیغی "باهار قالخانی" حرکاتینا چوخ ده‌گر وئریر و حرکاتین داوام ائتمه‌سینی ایستییریک.

عرب دؤولت‌لری، بیرلشمیش میللتلر تشکیلاتی، بمت تهلوکه‌سیزلیک شوراسی، آوروپا بیرلیگی و دونیاداکی بوتون غیری-حکومت تشکیلات‌لارینی سوریه خالقی‌نین اسد رژیمی‌نین ظلموندن خلاص ائدیلمه‌سی اوچون تورکیه-‌نین حربی عملیات‌لارینی دستکلمه‌یه چاغیریریق. بؤیوک تورک اردوسونون و سوریه اینقیلابی‌نین شهیدلرینه الله‌دان رحمت، یارا‌لی‌لارا شفا دیلییریک"



ایلگیلی‌لی خبرلر