تل ابیض-ده بومبا‌لی هوجوم نتیجه‌سینده 4 سیویل حیاتینی ایتیریب
تورکیه سلاح‌لی قوه‌لری و سوریه میللی اردوسونون تشکیل ائتدیگی "باریش بولاغی" عملیاتی ایله ترورچولاردان تمیزله‌نن تل ابیض بؤلگه‌سینده توره دیلن بومبا‌لی هوجوم نتیجه‌سینده 4 سیویل حیاتینی ایتیریب.
تورکیه سلاح‌لی قوه‌لری و سوریه میللی اردوسونون تشکیل ائتدیگی "باریش بولاغی" عملیاتی ایله ترورچولاردان تمیزله‌نن تل ابیض بؤلگه‌سینده توره دیلن بومبا‌لی هوجوم نتیجه‌سینده 4 سیویل حیاتینی ایتیریب.
ایلکین معلومات‌لارا گؤره، تل ابیض قصبه مرکزیندکی ایشلک جاده لردن بیرینده ماشینا یئرلشدیریلن بومبانین پارتلادیلماسی نتیجه‌سینده 4 سیویل شخص حیاتینی ایتیریب.
تهلوکه‌سیزلیک قایناق‌لاری ترور بؤلگه‌لرینده پارتلاییش‌لارین ترور تشکیلاتی ی.پ.گ/پ.کا.کا طرفیندن حیاتا کئچیریلدیگینی بیل‌دیرسه ده، تشکیلات سیویل لره زیان ووردوغو اوچون مسئولیتی اؤز اوزرینه گؤتورمک‌دن ایمتینا ائدیب.
قئید ائدک کی، تورکیه-نین شانلی اورفا ویلایتی‌نین آکچاکاله قصبه‌سیله اوزبوز اولان سوریه-نین تل ابیض قصبه مرکزی 13 اوکتبر 2019-جو ایلده "باریش بولاغی" عملیاتی ایله تروردان تمیزلنیب.
دیگر طرف‌دن میللی مودافعه ناظیرلیگی تل ابیض-ده بومبا یئرلشدیریلمیش ماشینی پارتلا‌دان پ.کا.کا/ی.پ.گ-لی ترورچونرون ساغ یاخالاندیغینی بیلدیریب.
