تهران-دا رژیم علیهینه نوماییش‌لر کئچیریلیب

ایران-ین پایتاختی تهران-دا اوکراینا طیاره‌سی‌نین دوشورولمه‌سینه رئاکسیا اولا‌راق بیر گون اول باشلایان رژیم علیهینه نوماییش‌لر دونن ده داوام ائدیب.

تهران-دا رژیم علیهینه نوماییش‌لر کئچیریلیب

ایران-ین پایتاختی تهران-دا اوکراینا طیاره‌سی‌نین دوشورولمه‌سینه رئاکسیا اولا‌راق بیر گون اول باشلایان رژیم علیهینه نوماییش‌لر دونن ده داوام ائدیب.

تهران-‌داکی آزادی میدانیندا کئچیریلن نوماییش‌لرده "دوشمنیمیز بورادا‌دیر، یالان یئره امریکا دئییرلر"، "دیکتاتورا اؤلوم"، "منه فتنه کار دئمیین، سیز فتنه کارسینیز" کیمی شعارلار سسلندیریلیب.

تهلوکه‌سیزلیک قوه‌لری و سپاه سیخ تهلوکه‌سیزلیک تدبیرلری گؤروب و نوماییشچی‌لری دؤیه‌رک و گؤز یاشاردیجی گازلا موداخیله ائدیب.

سابیق پرزیدنت علی اکبر هاشمی رفسنجانی‌نین قیزی فایزه هاشمی ده ایشتیراکچی‌لار آراسیندا اولوب.

بو آرادا امریکا پرزیدنتی ترامپ ایران لیدرلرینی اعتیرازچی‌لاری اؤلدورمه‌مه‌یه چاغیریب.

ترامپ شخصی تویتر حسابیندا "ایران رهبرلیگی طرفیندن اون سوز دا مین‌لرله اینسانین اؤلدورولدوگونو و یا حبس ائدیلدیگینی" ادعا ائدیب.

ترامپ "دونیا سئیر ائدیر، داها دا اهمیت‌لی‌سی امریکا ایزلییر. اینترنتی برپا ائدین و ژورنالیست‌لرین سربست بوراخین، ایجازه وئرین! بؤیوک ایران، خالقینیزین اؤلدورولمه‌سینی دایان‌دیرین!" ایفاده‌لرینی پای‌لاشیم ائدیب.

تهران اولوسلار آراسی امام خمینی هاوا لیمانیندان اوکراینانین پایتاختی کیئوه اوچان بوئینگ 737 تیپ‌لی یولجو طیاره‌سی چرشنبه گونو (8 ژانویه) سحر اوچوش‌دان قیسا مودت سونرا دوشدو و 176 نفر اؤلدو.

طیاره نین، ایران اردوسو طرفیندن راکت ایله وورولدوغو ادعا‌لارینا قارشی، تهران حاکمیتی حادثه‌دن 3 گون سونرا یولجو طیاره‌سی‌نین "کرویز (کرویز) راکتی" اولاراق قبول ائدیلگی و "قیسا منزیل‌لی راکت" ایله "تصادفا" وورولدوغونو اعتراف ائتدی.  

خاطیرلاداق کی، چرشنبه گونو تهرانین امام خمینی اولوسلار آراسی هاوا لیمانیندان قالخا‌راق کیئو شهرینه ایستیقامت گؤتورن "اوکراینا اولوسلار آراسی هاوا یول‌لاری"نا مخصوص "بوئینگ 737-800" تیپ‌لی یولجو طیاره‌سی بیر آز سونرا وورولموش، نتیجه‌ده طیاره‌ده اولان 9 نفر هئیت عضوو و اکثریتی ایران و کانادا وطنداشلاریندان‌ عبارت 167 یولجو هلاک اولموشدو.



ایلگیلی‌لی خبرلر