عراق-دا آردیجیل هوجوم‌لار تؤردیلیب
عراق-ین صلاح الدین ویلایتینده حیاتا کئچیریلن آردیجیل هوجوم‌لار نتیجه سینده حشدالشعبی‌نین یئددی عضوو ایله اوچ اویرنجی هلاک اولوب.
عراق-ین صلاح الدین ویلایتینده حیاتا کئچیریلن آردیجیل هوجوم‌لار نتیجه سینده حشدالشعبی‌نین یئددی عضوو ایله اوچ اویرنجی هلاک اولوب.
تهلوکه‌سیزلیک منبع لریندن وئریلن معلوماتا گؤره، حشدی العشبی‌نین صلاح الدین ویلایتی‌نین ساماررا شهرینده یئرلشن نظارت منطقه سینه بومبا یئرلشدیریلمیش اتومبیل ایله هوجوم ائدیلیب.
هوجوم نتیجه سینده حشدی العشبی‌نین یئددی عضوونون هلاک اولدوغو بیلدیریلیب.
دیگر طرفدن صلاح الدین ویلایتی‌نین قوزیی ینده کی کینوس کندی یاخینلیغیندا اوولجدن یول کنارینا یئرلشدیریلن بومبانین ایشه سالینماسی نتیجه سینده اوچ اویرنجی هلاک اولوب.
هوجوم‌لارا گؤره مسئولیتی اؤز اوزرینه گؤتورن اولماییب. بؤلگه ده داها اوول ده بونا بنزه هوجوم‌لارین تؤردیلدیگی بیلدیریلیر. هوجوم‌لارین ترور تشکیلاتی داعش طرفیندن تؤردیلمیش اولا بیله جگی وورغولانیر.
قئید ائدک کی، ترور تشکیلاتی داعش-ین عراق-دا مغلوب ائدیلدیگی آچیقلانسا دا، تشکیلات کرکوک، دیالا، صلاح الدین و موصول ویلایتلرینده واختاشیری هوجوم‌لار تؤره‌دیر.
