ایسراییل الخلیل-ده یهودی محله‌سی اینشا ائدجک

ایسراییل-ین مودافعه ناظیری نفتالی بنیت ایشغال آلتینداکی اردن چایی‌نین غرب ساحلیندکی الخلیل شهرینده یئنی یهودی محله‌سی‌نین قورولماسینا دایر لاییحه‌نین باشلادیلماسینا دایر پلانی تصدیقله‌ییب.

1315960
ایسراییل الخلیل-ده یهودی محله‌سی اینشا ائدجک

ایسراییل-ین مودافعه ناظیری نفتالی بنیت ایشغال آلتینداکی اردن چایی‌نین غرب ساحلیندکی الخلیل شهرینده یئنی یهودی محله‌سی‌نین قورولماسینا دایر لاییحه‌نین باشلادیلماسینا دایر پلانی تصدیقله‌ییب.

ایسراییل-ین "کانال-13" تلویزیونونون معلوماتینا گؤره، ایسرایل-ین مودافعه ناظیری بنیت ین پلانینی تصدیقلدیگی محله الخلیل شهری‌نین مرکزینده، 1994-جو ایلدکی الخلیل قتل عامیندان سونرا ایسرایل طرفیندن باغ‌لانان الجمله بازار یئرینده قورولا‌جاق.

خبرده لاییحه‌نین حیاتا کئچیریلمه‌سی اوچون الحسیبه-ده کی فیلیسطین‌لی‌لره مخصوص 50-یه یاخین بینانین ییخیلاجاغی و فیلیسطین‌لی ملک صاحب‌لری‌نین حقوق‌لاری‌نین "قورونا‌راق" یئرلرینده یئنی بینا‌لارین اینشا ائدیله جگینه دقت چکیلیب. بو محله‌نین قورولماسی ایله الخلیل-ده کی حرم ابراهیم-ین اطرافینداکی یهودی یاشاییش منطقه‌لری‌نین جوغرافی واحیدلیگی‌نین تامین ائدیله‌جگی قئید ائدیلیب.

حرم ابراهیم-ین ده داخیل اولدوغو الخلیل شهری‌نین تاریخی شهر بؤلگه‌سینده یاشایان فیلیسطین‌لی‌لر ایسراییل عسگرلری‌نین محدودیت‌لری و رادیکال یهودی ساکین‌لری‌نین هوجوم‌لاری سببیندن آغیر شرط‌لر آلتیندا یاشاماغا چالیشیرلار.

تخمینا 100 -ا یاخین نظارت منطقه‌سی‌نین اولدوغو شهرده حرم ابراهیم-ین اطرافینداکی یاشاییش یئرینده 400-ا یاخین یهودی مسکونلاشیر. ایسرایل عسگرلری فیلیسطین‌لی‌لره قارشی تضییق و حده-قورخو تطبیق ائتسه‌لر ده، مسکون‌لاشان‌لار تز-تز بؤلگه خالقینی ناراحات ائدیر.

ایشغال ائدیلمیش قودس شهرین‌دکی مسجید القصی-نین اطرافی کیمی قبول ائدیلن الخلیل شهرینده کی حرم ابراهیم  مکه-ده کی مسجیدالحرام ایله مدینه-ده کی مسجید النبوی و مسجید القصی-دان سونرا دؤردونجو مسجیددیر.



ایلگیلی‌لی خبرلر