عراق باش ناظیری ایستعفاسینی مجلیسه تقدیم ائتدی
عراق باش ناظیری عادل عبدالمهدی، اؤلکه‌ده اوکتوبر آیین‌دان بو یانا داوام ائدن بحرانا حلّ یولو تاپیلماسی هدفیله ایستعفا ائتدیگینی سؤیله‌دی
عراق باش ناظیری ایستعفاسینی مجلیسه تقدیم ائتدی
عراق باش ناظیری عادل عبدالمهدی، اؤلکه‌ده اوکتوبر آیین‌دان بو یانا داوام ائدن بحرانا حلّ یولو تاپیلماسی هدفیله ایستعفا ائتدیگینی سؤیله‌دی.
حکومت طرفین‌دن دونن تشکیل ائدیلن فوق ا‌لعاده ایجلاسدا مجلیسه تقدیم ائتدیگی ایستعفا دیلکچه‌سینی اوخویان عبدالمهدی، شیعه دینی عالی مرجع السیستانی‌نین چاغیریشینا، اؤلکه‌نین ایچینده اولدوغو کریتیک شرط‌لری گؤز گؤز اؤنونده ساخلایا‌راق و مجلیسین یئنی واریانت‌لاری قیمتلندیرمه‌سینه ایمکان تانیماق اوچون تقدیم ائتدیگیم ایستیفامین قبول ائدیلمه‌سینی خواهیش ائدیرم. ایفاده‌لرینی ایستیفاده ائتدی.
تقدیم ائتدیگی ایستعفا مجلیس طرفین‌دن قبول ائدی‌لنه قدر حکومتین وظیفه‌سینه داوام ائدجگینی ایفاده ائدن عبدالمهدی، قبول ائدیلمه‌سی وضعیتینده حکومتین ایشگودر حکومت اولاجاغینی ایفاده ائتدی.
اؤلکه‌نین ایشگودر حکومتله اوزون مدت داوام ائده بیلمیه‌جگینی وورغولایان عبدالمهدی، مجلیسه ان قیسا زاماندا آلترناتیو تاپماق چاغیریشی ائتدی.
ایستعفاسینی پرزیدنته دئییل مجلیسه تقدیم ائتدیگینی کؤچورن عبدالمهدی، حکومتین ایستعفاسی‌نین اؤلکه‌ده یاشانان بحرانا حلّ یولو تاپیلماسی باخیمین‌دان اهمیت‌لی اولدوغونو دیله گتیردی.
عبدالمهدی، جمعه گونو ائتدیگی یازی‌لی آچیقلامادا، شیعه دینی عالی مرجع السیستانی‌نین اؤلکه‌نین کاوسا سوروکلنممسی چاغیریشینا حکومت باشچیلیغین‌دان ایستعفا ائتدیگینه دایر رسمی دیلکچه‌ده مجلیسه گؤندرجگینی بیلدیرمیشدی.
عراقدا ایشسیزلیک، روشوت و دولت خیدمتی یئترسیز‌لیگینی اعتراض ائتمک هدفیله 1 اوکتوبردا باشلایان گؤستری‌لرده بو آنا قدر 350دن چوخ اینسان اؤلدو، 15 مین‌دن چوخ آدام یارالانیب.
