عراق-ین نجف شهریندکی اعتراضلاردا اؤلن‌لرین سایی 18-ا چیخیب

عراق-ین گونئی ینده یئرلشن و شیعه اها‌لی‌نین سیخ یاشادیغی نجف شهرینده کئچیریلن حکومت علیهینه نوماییش‌لرده تهلوکه‌سیزلیک قوه‌لری‌نین موداخیله‌سی نتیجه‌سینده 18 نفر حیاتینی ایتیریب، 350 نفره یاخین آدام یارالانیب.

1314658
عراق-ین نجف شهریندکی اعتراضلاردا اؤلن‌لرین سایی 18-ا چیخیب

عراق-ین گونئی ینده یئرلشن و شیعه اها‌لی‌نین سیخ یاشادیغی نجف شهرینده کئچیریلن حکومت علیهینه نوماییش‌لرده تهلوکه‌سیزلیک قوه‌لری‌نین موداخیله‌سی نتیجه‌سینده 18 نفر حیاتینی ایتیریب، 350 نفره یاخین آدام یارالانیب.

عدالت ناظیرلیگی‌نین طب ایداره‌سیندن بیر صلاحیت‌لی‌نین "آنادولو" خبر آژانسینا وئردیگی معلوماتا گؤره، اؤلن نوماییشچی‌لر حقیقی گولله‌لرین دیمه‌سی نتیجه‌سینده حیات‌لارینی ایتیریب‌لر.

نجف‌دکی حادثه‌لره شاهید اولان‌لار دا سیویل گئییم‌لی شخص‌لرین نوماییشچی‌لره آتش آچدیغینی سؤیله‌ییب‌لر. نجف پولیس مودیرلیگینده وظیفه‌لی پولیس امکداشی خلیل ایسماییل ترورلا موباریزه‌دن بیر قروپون نجفه چاتدیغینی بیلدیریب.

تهلوکه‌سیزلیگی تامین ائتمک اوچون شهرین موختلیف بؤلگه‌لریندن اولان ترورلا موباریزه دسته‌لرینه خالقین بؤیوک حؤرمتی‌نین اولدوغو معلوم‌دور.

دیگر طرف‌دن عراق-ین باش ناظیری عادل عبدالمهدی نجف-ده تهلوکه سیزلیگین تامینی اوچون ژنرال علی الهاشیمینی حربی قوموتان اولا‌راق تعیین ائتمیشدی.

نوماییشچی‌لر حکومته قارشی تضییق‌لری آرتیرماق مقصدیله 4 گون‌دور ناصریه‌دکی کؤرپولری یول حرکتینه باغلاییر.

خاطیرلاداق کی، اوکتبرین 1-دن اعتباراً اؤلکه‌ده ایش سیزلیگه، یولسوزلوغا، دؤولت خیدمت‌لری‌نین فعالیتینه قارشی اعتراض نوماییش‌لری گئتدیکجه حکومته قارشی چئوریلیب.



ایلگیلی‌لی خبرلر