کلاوس یوهانیس یئنی دن رومانیا پرزیدنتی سئچیلدی

رومانییا-دا کئچیریلن پرزیدنت سئچکی‌سینی حاضیرکی اؤلکه باشچی‌سی کلاوس یوهانیس قازاندی.

10 نوامبردا اولان سئچکی‌نین ایلکین مرحله‌سینده هئچ بیر نامیزد 50 + 1 فایز نیسبتینده سس الده ائده بیلمه‌میشدی: یوهانیس 37،82، دانسیلا ایسه 22،26 فایز سس توپلامیشدی.

آیین 24-اونده کئچیریلن ایکینجی توردا دا میللی لیبرال پارتی‌ نین (PNL) نامیزد کلاوس یوهانیس و سوسیال دموکرات پارتی سیندن (PSD) نامیزد ویوریکا دانسیلا موباریزه آپاردی‌لار.

تخمینا 18 میلیون سئچیجی‌نین اولدوغو رومانییا-دا 9 میلیون‌دان چوخ وطنداش سس وئرمه‌ده ایشتیراک ائتدی.

مرکز سئچکی کومیته‌سی (BEC) طرفیندن آچیق‌لانان نتیجه‌لره گؤره، کلاوس یوهانیس 66،5، رقیبی دانسیلا ایسه 33،5 فایز سس قازاندی.

سئچکی ظفریله باغلی ائتدیگی چیخیشیندا پرزیدنت کلاوس یوهانیس بون‌لاری سؤیله‌ییب: "آوروپا‌لی معاصر رومینیا قازاندی. بو ظفردن سونرا بیزی چوخ ایشلر گؤزلییر."