کرکوک-ده داعش-ین ایکی عضوو اؤلدورولوب
عراق-ین کرکوک شهرینین گونئی ینده ترور تشکیلاتی داعش منسوبلارینین گیزلندیگی بؤلگهلره ایستیقامتلی کئچیریلن عملیات نتیجهسینده ایکی ترورچو محو ائدیلیب.
عراق-ین کرکوک شهرینین گونئی ینده ترور تشکیلاتی داعش منسوبلارینین گیزلندیگی بؤلگهلره ایستیقامتلی کئچیریلن عملیات نتیجهسینده ایکی ترورچو محو ائدیلیب.
کرکوک پولیس بؤلمهسینین مودیری علی کمال کرکوکون گونئی ینده ترور تشکیلاتی داعشه ایستیقامتلی عملیات حیاتا کئچیریلدیگینی بیلدیریب.
عملیاتین کرکوک عملیاتلار قوموتانلیغی طرفیندن تشکیل ائدیلدیگینی بیلدیرن کمال "ریاد بولگه سی نین چؤلونده 2 داعش عضوو اؤلدورولدو" دئییب.
کمال ترور تشکیلاتی داعش-ین سون واخت لاردا شهرین گونئی ینده کی قصبه و کندلرین ثابت لیگینی پوزماغا جهد گوستردیگینی دیله گتیره رک تروریست لرین خصوصی ایله ریاد بولگه سینده اوزونو گوسترمه یه باشلادیغینی قئید ائدیب.
بؤلگهده گئنیش میقیاسلی تدقیقاتلارین باشلاندیغینی سؤیلهین کمال کرکوکون تهلوکهسیزلیک و ثابتلیگینین پوزولماسینا ایجازه وئرمهیهجکلرینی وورغولاییب.