۵ گونده ۲۳ اؤلو

عراقین باشکندی بغداد ایله گونئی شهرلرین‌ده تشکیل ائدیله‌ن حکومت قارشیدی گؤستریلر و یاشانان شدت حادثه‌لرین‌ده سون ۵ گون‌ده ۲۳ نفر حیاتینی ایتیردی.

عراق مستقیل اینسان حاقلاری یوکسک کمیسرلیگیندن وئریله‌ن یازیلی آچیقلامادا، ۳-۷ نوامبر تاریخلرین‌ده بغداد، کربلا، بصره و ذی‌قاردا تشکیل ائدیله‌ن گؤستریلر ایله یاشانان شدت حادثه‌لرین‌ده ۲۳ نفرین اؤلدویو، ۱۰۷۷ نفرین یارالاندیغی ایفاده ائدیلدی.

آچیقلامادا آیریجا سؤز قونوسو تاریخلرده ۲۰۱ نفرین گؤزآلتینا آلیندیغی، داها سونرا بونلاردان ۱۷۰ینین سربست بوراخیلدیغی قید ائدیلدی.

 عراق‌لیلار، ایش سیزلیک، مالی فساد و دؤولت خیدمتی یئترسیزلیگینه اعتراض ائتمک مقصدیله اؤلکه‌نین مختلیف بؤلگه‌لرین‌ده گؤستریلر تشکیل ائدیر.

بیرلشمیش میللتلر تشکیلاتینین عراق نماینده‌لیگی، چرشنبه آخشامی گونو وئردیگی آچیقلامادا، ۱ اکتبردان بو یانا داوام ائد‌ن گؤستریلرده ۲۵۴ نفرین حیاتینی ایتیردیگینی، مینلرجه انسانین یارالاندیغینی بیلدیرمیشدی.