ایران‌: ریاض آنلاشماسی یمن بحرانیندا حل دئییل

موسوی، یمن حکومتی آیریلیقچی گونئی کئچید شوراسی آراسیندا ایمضا‌لانان ریاض آنلاشماسینین بو اؤلکه‌دکی پروبلم‌لرین حلّینه خیدمت ائتمیه‌جگینی ساووندو

ایران‌: ریاض آنلاشماسی یمن بحرانیندا حل دئییل

ایران خاریجی ایشلر ناظرلیگی‌نین سؤزچوسو عباس موسوی، یمن حکومتی آیریلیقچی گونئی کئچید شوراسی آراسیندا ایمضا‌لانان ریاض آنلاشماسینین بو اؤلکه‌دکی پروبلم‌لرین حلّینه خیدمت ائتمیه‌جگینی ساووندو.

 موسوی، خاریجی ایشلر ناظیرلیگی سایتیندا یایینانان آچیقلاماسیندا، بو جور بیر آنلاشما سعودی عربیستانی و موتتفیق‌لری‌نین ایشغالینی گوجلن‌دیره‌جک.آچیقلاماسی ائتدی.

 ایرانین، یمن‌لی قروپ‌لار آراسیندا ائدیله‌جک موذاکیره‌لر اساسیندا گئنیش قاتیلیم‌لی بیرلیک حکومتی‌نین قورولماسینی و بو اؤلکه‌نین اراضی بوتؤو‌لوگونو دستکلدیگینی یازان موسوی، حوثی‌لری نظرده توتا‌راق، یمنلیلره اؤلکه‌نین گونئی‌نین خاریجی گوج‌لرین نظارتی آلتیندا اولماسینا ایجازه وئرمیه‌جگینی بیلدیریب.

موسوی، سعودی عربیستانی رهبرلیگین‌دن، حوثی‌لرین تقدیم ائتدیگی سالدیری‌لارین قارشی‌لیق‌لی دایاندیریلماسی تکلیفینه مثبت جواب وئرمه‌سینی ایسته‌یه‌رک، یمن بحرانی‌نین سونا چاتماسیندا ایلک آددیمین آتیلابیلمسی اوچون ساواشین دایانماسی لازیم اولدوغونو وورغولادی.

یمن حکومتی ایله بیرلشمیش عرب امیرلیک‌لرینین دستکلدیگی برلوجو گونئی کئچید شوراسی آراسین‌داکی بحرانی سونا چاتدیرماسی گؤزلنیلن ریاض سازیشی، اوّلکی گون سعودی عربیستانیاین باشکندی ریاض‌دا ایمضالانمیشدی. آنلاشمانین، ایمضا‌لار آتیلدیق‌دان سونرا ان گئج 30 گونده تکنوکرات بیر حکومتین قورولماسینی، 24 ناظیرلیک‌دن 12سینین گونئی‌لی‌لرین وئریلمه‌سینی، پرزیدنت عبدالربو منصور هادی‌نین 15 گونده آدئنائ بیر امنیت مودیری، 30 گونده ده ابین ایله دالی شهرلرینه بیر امنیتمودیری آتاماسینی ایچه‌ریر.



ایلگیلی‌لی خبرلر