سوریه میللی اوردوسو ترورلا موباریزه‌ده 144 شهید وئردی

تورکیه‌نین ترور تشکیلات‌لارینا قارشی رئاللاشدیردیغی باریش پیناری عملیاتیندا، آختارما کئشیکلیک فعالیت‌لرینی داوام ائتدیرن سوریه میللی اوردوسونون، ترور تشکیلاتی ی.پ.گ / پ.ک.ک-نین داوام ائدن سالدیریلاری نتیجه‌سینده وئردیگی شهید ساییسی 144ه چیخدی.

 سوریه میللی اوردوسو عسگرلری، تورک سیلاح‌لی گوج‌لری طرفین‌دن رئال‌لاش‌دیریلان باریش پیناری عملیاتی بؤلگه‌سینده امنیتین تامین ائدیلمه‌سی اوچون آختارما ایشلرینه قاتیلمایا داوام ائدیر.

حرکاتین دایاندیریلماسی تل آبیض و راس العین اطرافین‌داکی جبهه خط‌لرینی توتان سوریه میللی اوردوسو عسگرلری، تروریست‌لره عایید ال اوره‌تیمی پارتلاییجی‌لاری مهو و امنیت تدبیرلرینی آرتیرما ایشلری‌نین یانیندا جبهه خط‌لرینده تروریست‌لرین تشکیل ائتدیگی سالدیریلارا قارشی قویماغا دا داوام ائدیر.

ساحه‌دکی سوریه میللی اوردوسو قوموتانلارین‌دان آلینان معلوماتا گؤره، 9 اوکتوبردان بو یانا حیاتا کئچیریلن سؤز موضوعسو ایشلر و سالدیریلار نتیجه‌سینده 144 سوریه میللی اوردوسو عسگری شهید اولدو، 557سی یارالانیب.