ایران نوکلئر آنلاشما‌دا دؤردونجو آددیمینی آچیقلادی

ایران، آوروپا اؤلکه‌لری‌نین نوکلئر آنلاشما‌دا وئردیگی سؤزلری یئرینه یئتیرمدیگی سببیله دؤردونجو آددیم اولا‌راق صاباح‌دان اعتباراً قوم شهرینده اولان فوردو نوکلئر تاسیس‌لریندکی مین 44 سانتریفوژا گاز انژکده ائتمه‌یه باشلاناجاغینی آچیقلادی

1300654
ایران نوکلئر آنلاشما‌دا دؤردونجو آددیمینی آچیقلادی

ایران، آوروپا اؤلکه‌لری‌نین نوکلئر آنلاشما‌دا وئردیگی سؤزلری یئرینه یئتیرمدیگی سببیله دؤردونجو آددیم اولا‌راق صاباح‌دان اعتباراً قوم شهرینده اولان فوردو نوکلئر تاسیس‌لریندکی مین 44 سانتریفوژا گاز انژکده ائتمه‌یه باشلاناجاغینی آچیقلادی.

ایران پرزیدنتی حسن روحانی، باشکند تهران‌داکی آزادی اینوواسیون کارخاناسی آچیلیش مراسیمینده ائتدیگی دانیشمادا، نوکلئر آنلاشماداکی مسئولیت‌لرینی آزالدیلماسی ایستیقامتینده آتا‌جاق‌لاری دؤردونجو آددیمی اعلان ائتدی.

نوکلئر آنلاشما‌دا قوم شهرینه باغلی فوردو کندینده اولان نوکلئر بینا‌لارین مین 44 سانتریفوژون دؤنمه‌یه داوام ائتمه‌سی آنجاق گاز انژکده ائدیلممه‌سی ایستیقامتینده حؤکم اولدوغونو خاطیرلا‌دان روحانی، بو مسئولیتلرینی تاخیره آلدیق‌لارینی و صاباح‌دان اعتباراً فوردو نوکلئر تاسیس‌لرین نه گاز وئرمه‌یه باشلایا‌جاق‌لارینی بیلدیردی.

ایران‌ین یئنی فعالیت‌لری‌نین اولوسلار آراسی آتوم انرژی‌سی آژانسی‌نین (UAEA) یوخلاماسیندا رئاللاشاجاغینی ایفاده ائدن روحانی، بو آددیم‌دان دا اوّلکی‌لر کیمی گئری دؤنوش اولمادیغینی سؤیله‌دی. روحانی، اؤلکه‌دکی اینوواسیون کارخاناسینین قورولماسی‌نین دا بؤیوک بیر علمی اینکیشاف اولدوغونو ایفاده ائتدی.

ایران ایله بیرلشمیش میللت‌لر تشکیلاتی‌نین امنیت شوراسی‌نین 5 دایمی عضوو و آلمانیا آراسیندا 2015 ده ایمضا‌لانان گئنیش اورتاق فعالیت پلانی (KOEP) اولا‌راق آدلان‌دیریلان نوکلئر راضیلاشما، تهران‌ا یوزده 3.67 نیسبتینده اوران غنیلشدیرمه فعالیتینی داوام ائتدیرمه حاقی وئریر.

سازیش چرچیوه‌سینده ایران، ان چوخ 300 کیلوقرام اورانیوم الینده توتابیلیر.



ایلگیلی‌لی خبرلر