عراق-دا نوماییش چیلر حکومتین ایستعفاسینی ایستییر

عراق-ین پایتاختی باغداد-دا اعتراض آکسیا‌لاری‌نین 5-جی گونونده تحریر میدانیندا "حکومتین ایستعفاسی" شعارلاری سسلندیریلدی.

دونن پایتاختین مرکزینده کی تحریر میدانیندا مین‌لرله نوماییشچی ایش سیزلیک، یولسوزلوق و دؤولت قوللوغونون اولماماسینا اعتراض اولا‌راق توپلاندی.

باغداد-داکی اعتیراضچی‌لار گئجه کوچه یه چیخما یاساغینا عمل ائتمه‌یه‌جک‌لرینی بیلدیردی‌لر و سیخ-سیخ "سحره قدر بوراداییق" و "حکومتین ایستعفاسی" کیمی شعارلار سسلندیردی‌لر.

نوماییشچی‌لر تحریر میدانیندان حکومت بینا‌لاری‌نین یئرلشدیگی یاشیل بؤلگه ایستیقامتینده یوروش ائتمک ایسته‌دیکده، قورولان بارییرلری تهلوکه‌سیزلیک قوه‌لری‌نین موداخیله‌سی نتیجه‌سینده کئچه بیلمه‌دی‌لر.

عراق-لیلار ایش سیزلیک، یولسوزلوق و دؤولت قوللوغونون اولماماسینا اعتراض اولا‌راق اؤلکه‌نین موختلیف بؤلگه‌لرینده نوماییش‌لر کئچیریر. اوکتبرین 1-ده حرکته کئچن نوماییشی‌لر اربعین مراسیم‌لری سببیندن فاصیله وئردیک‌لری نوماییشه جومه گونو تکرار باشلادی‌لار.

پایتاخت باغداد باشدا اولماقلا اؤلکه‌نین مرکزی و گونئی شهرلرینه یاییلان نوماییش‌لرده اوکتبر آیی‌نین اولین‌دن بری‌دیر 200-ا یاخین اینسان حیاتینی ایتیردی، 8 مینه یاخین اینسان ایسه یارالاندی.