لبنان باشباخانی استعفا ائتدی
"چتینلیکلره قارشی گوجلو ایراده‌یه صاحب و لبنان‌لیلارین یوکسک چیخارلارینی مدافعه ائد‌جک یئنی بیر حکومتین قورولماسینا قناعت گتیردیم"
لبنان باشباخانی سعد الحریری، استعفاسینی جمهورباشقانی میشل عونا سوندو.
حریری، استعفاسینی اعلان ائتدیگی مطبوعات آچیقلاماسینین آردین‌دان باشکند بیروتون دوغوسوندا یئرلشن بعبدا جمهورباشقانلیغی سارایینا چیخدی.
لبنان‌دا ۱۷ اکتبردان بو یانا داوام ائد‌ن حکومت قارشیدی اعتراضلار ندنی ایله وظیفه‌سینی بوراخان حریری، پرزیدنت عونا استعفاسینی سوندوقدان سونرا آچیقلاما وئرمه‌دن سارایدان آیریلدی.
حریرینین استعفا مکتوبو داها سونرا جمهورباشقانلیغی طرفین‌دن یاییملاندی.
مکتوبون‌دا، اؤلکه‌نین قارشی قارشییا ایچ چتین‌لیکلری نظره آلاراق "مثبت بیر شوک" یاراتماق اوزره بو آددیمی آتدیغینا ایشاره ائد‌ن حریری،
"چتینلیکلره قارشی گوجلو ایراده‌یه صاحب و لبنان‌لیلارین یوکسک چیخارلارینی مدافعه ائد‌جک یئنی بیر حکومتین قورولماسینا قناعت گتیردیم. حکومتیمین استعفاسینی بیلدیریرم، سیزه اوغورلار آرزولاییرام" ایفاده‌لرینی ایشلتدی.
لبنان‌دا ۱۷ اکتیردا اقتصادی وضعیت و وئرگیلره قارشی باشلایان اعتراضلار، تکنوکراتلاردان اولوشان مستقیل کیچیلدیلمیش یئنی بیر حکومت طلبیله داوام ائدیر.
باشباخان حریری، ۲۱ اکتبردا اقتصادی بحرانی یونگوللشدیرمک آماجی ایله بعضی قرارلار قبول ائتدیگینی آچیقلادی، آنجاق بو قرارلار دا اعتراضلاری دوردورمادی.
