پکاکا،۱۰داعشلی قادینی سربست بوراخدی
"کوردلر (یپگ/پکاکالیلار) بیزه بیردن چیخین بورادان دئدیلر"
سوریهده، بؤلوجو ترور هؤرگوتو یپگ/پکاکالیلار، کمپلرینده توتدوقلاری داعش منسوبو ۱۰ قادینی سربست بوراخدی.
فراننسانین له پاریسین قزئتینین ایکی خبرچیسینین، ساحهدهکی چالیشماسلارینا دایانان خبرینه گؤره، رقهیه ۵۰ کیلومتر مسافهده اولان بیر دوشرگهده، یپگ/پکاکالیلار، ترور هؤرگوتو داعش منسوبو فرانسالی ۱۰ قادینی، ۲۵ اوشاغی ایله بیرلیکده سربست بوراخدی.
خبرده سؤزلرینه یئر وئریلهن و سربست بوراخیلان قادینلاردان بیرینین "کوردلر (یپگ/پکاکالیلار) بیزه بیردن چیخین بورادان دئدیلر. هئچ بیر شئی آنلامادیق. سونرا هامیسی گئتدی و سیویللر قالدی" ایفادهسینی ایشلتدی.
سربست بوراخیلان باشقا قادینین ایسه "وطنداشلار بیزه بو آن کؤمک ائدیر، فرانسا بیزی قبول ائتمیر. کوردلر (یپگ/پکاکالیلار) بیزی بشار اسد رژیمینه تسلیم ائتمک ایستهییر. کؤمک گؤزلهییریک" دئدیگی قید ائدیلدی.
خبرده، بؤلوجو ترور هؤرگوتو یپگ/پکاکالیلارین کنترلونداکی فرقلی دوشرگهلرده یوزلرجه فرانسالی عائلهنین توتولدوغو بیلدیریلدی.
ایلگیلیلی خبرلر
ترورلا موباریزه چرچیوهسینده داها 6 ترورچو ضررسیزلشدیریلیب
تورکیه سلاحلی قوهلری ترورلا موباریزه چرچیوهسینده داها 6 ترورچونو ضررسیزلشدیریب.
