ایسرائیل، یئنی هاوا ساوونما سیستمی پروژه‌سی گلیشدیرمگی پلانلاشدیریر
ایسرائیل، تخمینن بیر میلیارد دو‌لارا باشا گله‌جک یئنی بیر هاوا ساوونما پروژه‌سی گلیشدیرمگی پلانلاشدیریر
ایسرائیل، تخمینن بیر میلیارد دو‌لارا باشا گله‌جک یئنی بیر هاوا ساوونما پروژه‌سی گلیشدیرمگی پلانلاشدیریر.
ایسرائیل دولت یاییم تشکیلاتی‌نین (Makan) معلوماتینا گؤره، باش ناظیر بینیامین نتانیاهو، ایسرائیل امنیت کابینه‌سین‌دکی ناظیرلره سؤزقونوسو پلانلا باغلی معلومات وئریب.
نتانیاهونون سعودی عربیستان‌داکی نفت تاسیس‌لرینه قارشی سالدیری‌لاردان ایرانی مسئول توتدوغو خاطیرلادیلان خبرده، سؤزقونوسو پروژه ایله، ناویقاسیون (cruise) موشک‌لرینه قارشی قویولماسی‌نین مقصدی گوددوگو قئید ائدیلیب.
خبرده پروژه‌یه دایر اطراف‌لی معلومات وئرمزکن بونا فوند تامین اولونماسی اوچون سوسیال پروقرام‌لاردا قناعت ائدیلمه‌سی و وئرگی‌لرین آرتیریلماسی‌نین لازیم اولاجاغی ایفاده ائدیلدی.
ایسرائیل‌ده، دمیر گونبز هاوا ساوونما سیستمی‌نین یاناشی، پاتریوت موشک‌لرینه قارشی گلیشدیریلن چوخسایلی هاوا ساوونما سیستمی وار.
سعودی عربیستانی‌نین میللی نفت شیرکتی سعودی آرامکویا عایید ایکی تاسیس‌ده، 14 سپتامبردا سیلاح‌لی اینسان‌سیز هاوا واسطه‌لرله تشکیل اولونان سالدیری نتیجه‌سینده یانغین چیخدیغی آچیقلانمیشدی. یمن‌دکی حوثیلر، اؤلن یا دا یارا‌لانانین اولمادیغی سالدیرینی 10 سیلاح‌لی اینسان‌سیز هاوا واسطه‌سی ایستیفاده ائده‌رک کئچیردیک‌لرینی ادعا ائتمیشدی.
ایسرائیل باش ناظیری نتانیاهو دا 24 سپتامبردا، سعودی عربیستانی‌نین نفت موسسیسه‌لرینه کئچیریلن سالدیرینین آرخاسیندا ایرانین اولدوغونو آچیقلامیشدی.
ایلگیلی‌لی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطه‌نی ووروب
