پکاکا ترور هؤرگوتونه دستک وئرمهیه داوام ائدیر
قاپالی صاندیقلاردا یونگول و آغیر سلاح، مهمات، سینیالیزاسیون و رادار تجهیزاتی ایله یاناشی، یاشام لوازمی وار
آمریکا بیرلشمیش دؤولتلری، عراقدان سوریهده بؤلوجو ترور هؤرگوتو یپگ/پکاکا ایشغالینداکی بؤلگهیه سون بیر هفتهده حربی و لجستیک دستک اولماق اوچون ۳۰۰ تریلی داها گؤندردی.
یپگ/پکاکا ایشغالینداکی بؤلگهلره گؤندریلهن تریلیلرده حربی مرکز تیکیمینده ایستیفاده ائدیلهن "TWall" آدلی دیانیقلی حاضر بتون بلوکلار، اراضی آراجلاری، ژنراتورلار، چوخ میقداردا یاناجاق تانکری و قاپالی صاندیقلار یئر آلدی.
یئرلی قایناقلارا گؤره، قاپالی صاندیقلاردا یونگول و آغیر سلاح، مهمات، سینیالیزاسیون و رادار تجهیزاتی ایله یاناشی، یاشام لوازمی وار.
بؤلگهیه سون بیر هفته ایچریسینده گیرن کروانلار، داشیدیقلاری لوازمی آمریکا بیرلشمیش دؤولتلرینین بؤلگهدهکی مختلیف مرکزلرینه داغیتدی.
آمریکا بیرلشمیش دؤولتلری، ۲۱ سپتامبردا یپگ/پکاکا ایشغالینداکی بؤلگهلره تیکینتی مصالجی، قاپالی صاندیقلار، گئچیجی ائولر و یاناجاق تانکرلرینین اولدوغو ۲۰۰ تریلیلیک کروان گؤندرمیشدی.
هؤرگوتون ایشغالینداکی عین عیسی و شدادی بؤلگهلرینه ده ۹ سپتامبردا ۵۵ تریلرله قاپالی صاندیقلار، دؤرد چئکر آراجلار و ایش ماشینلاری سؤوق ائدن آمریکا بیرلشمیش دؤولتلری، ۴ سپتامبردا دا هؤرگوت ایشغالینداکی بؤلگهلره ایچینده گئنیش آراجلار، ایش ماشینلاری، یاناجاق تانکرلری و ژنراتورلار اولان ۶۰ تریلر یوللامیشدی.
داعش ایله مباریزهنی سبب گؤسترهرک ۲۰۱۵دن بو یانا یپگ/پکاکایا حربی دستک وئرهن آمریکا بیرلشمیش دؤولتلرینین سوریه ده حاضردا ۱۸ مرکز و حربی نقطهده ۲ مین دولاییندا پرسنلی وار.
آمریکا بیرلشمیش دؤولتلری پرزیدنتی دونالد ترامپین، گئچهن ایل سوریهدهکی حربی وارلیغینی چکمک ایستدیگینی آچیقلاماسینا باخمایاراق، واشینگتون بو اؤلکهدهکی حربی وارلیغینی داوام ائتدیریر.