ایران: اینگیلیس نفت تانکری یاخین زاماندا سربست قالاجاق

آچیقلامادا، تانکرله باغلی سربست بیراخیلما قراری‌نین وئریلمه‌سی‌نین آردین‌دان تخمینن 65 گون‌دور ایران ساحیل‌لرینده ساخلانیلان استینا ایمپرونون بین الخالق سولارا آچیلاجاغینی ایفاده ائتدی

1274267
ایران: اینگیلیس نفت تانکری یاخین زاماندا سربست قالاجاق

ایرانین هورموزگان ایالتی دنیزچی‌لیک و لیمان موسسیسه‌لری باش دیرکتورو موراد عفیفی پور، "استینا ایمپرو" آدلی اینگیلیس نفت تانکرینین یاخین زاماندا سربست قالاجاغینی بیلدیریب.

عفیفی پور، ایران دولت تلویزیونونا وئردیگی آچیقلامادا، تانکرله باغلی سربست بیراخیلما قراری‌نین وئریلمه‌سی‌نین آردین‌دان تخمینن 65 گون‌دور ایران ساحیل‌لرینده ساخلانیلان استینا ایمپرونون بین الخالق سولارا آچیلاجاغینی ایفاده ائتدی.

نفت تانکری‌نین، ایران سولارینی ترک ائتمه‌سیله باغلی محکمه پروسه‌سی‌نین داوام ائتدیگینی بیل‌دیرن عفیفی پور، تانکرین دنیزچی‌لیک قایدا‌لارینی پوزماسی ایله باغلی آراشدیرما‌لارین داوام ائتدیگینی، محکمه قراری‌نین دا یاخین واخت‌لاردا اعلان ائدیله‌جگینی قئید ائدیب.

اینگیلتره‌یه باغلی جبل الطاریق موختار رهبرلیگی 4 ژوئیه‌ده، سوریه‌یه قارشی تحریملره خلل گتیردیگی سببیله ایران تانکرینی ساخلامیشدی.

ایران‌لی رسمی‌لری، تانکئرین بوراخیلماسینی، عکس حالدا میثیللمه ائده‌جک‌لرینی آچیقلامیشدی.

ایران اینقیلاب کئشیکچی‌لری اوردوسو، 19 ژوئیه‌ده اینگیلتره بان‌دیرالی "استینا ایمپرو" آدلی نفت تانکرینی، هورموزگان بوغازین‌دان کئچیدی زامانی "دنیزچی‌لیک قایدا‌لارینا رعایت ائتمدیگی" و بو سببله ده ساخلادیغینی بیلدیرمیشدی.

جبل الطاریق عالی محکمه‌سی، ایران تانکرینی 15 آوقوستدا آزاد ائتمه قراری آلمیشدی.



ایلگیلی‌لی خبرلر