جاواد ظریف: "ب تیمی"نین قالیقلاری ترامپی محاربهیه جلب ائتمک اوچون آلداتماغا چالیشیرلار"
ایران خاریجی ایشلر ناظیری محمد جاواد ظریف سعودیه عربیستانینداکی نفت تاسیس لرینه ائدیلن هوجومو "محاربهیه سبب" سایان امریکانین خاریجی ایشلر ناظیری مایک پمپئونون پرزیدنت ترامپی ایرانا قارشی محاربهیه جلب ائده بیلمک اوچون "آلداتماغا" چالیشدیغینی سؤیلهدی.
ایران خاریجی ایشلر ناظیری محمد جاواد ظریف سعودیه عربیستانینداکی نفت تاسیس لرینه ائدیلن هوجومو "محاربهیه سبب" سایان امریکانین خاریجی ایشلر ناظیری مایک پمپئونون پرزیدنت ترامپی ایرانا قارشی محاربهیه جلب ائده بیلمک اوچون "آلداتماغا" چالیشدیغینی سؤیلهدی.
ظریف پمپئونون سعودیه عربیستانینین میللی نفت شیرکتی "سعودی آرامکو" تاسیس لرینه تشکیل ائدیلن هوجومدا ایرانی گوناهلاندیرماغا داوام ائدهرک، هوجومو محاربهیه سبب کیمی گؤرمهسینه تویتر حسابیندان جاواب وئردی.
پمپئونون ایرانا قارشی محاربهیه تحریک ائتدیگینی ایفاده ائدن ظریف: "ب تیمینین قالیقلاری و خریص لی متفیقلری دونالد ترامپی محاربهیه جلب ائتمک اوچون آلداتماغا چالیشیرلار. اؤز یاخشیلیقلاری اوچون آختاردیقلارینی الده ائده بیلمهمهلری اوچون دعا ائتمهلیدیرلر" دئیه بیلدیردی.
ظریف باشقا بیر مئساژیندا ایسه پمپئونون آوریل آییندا " Teksas A&M " اونیورسیته سینده ائتدیگی چیخیشیندا: "من مرکزی کشفیات ایدارهسینین (CIA) دیرئکتورویدوم. یالان سؤیلهدیک، آلداتدیق و اوغورلادیق" دئدیگی گؤرونتولری بؤلوشهرک، بونلاری قئید ائتدی: "کؤهنه وردیشلر آسان اونودولمور. یالانلار و آلداتما ایله تؤکولن قانلاری، خالقین خزینهسیندن خرجلننلری وئجینه آلمایان خاریجی مشتری لره (سعودیه عربیستانی) یالتاقلیق سون گونلرده ذیروهیه چیخیب".
ایرانین خاریجی ایشلر ناظیری "ب تیمی" اولاراق آدلاندیردیغی آغ ائوین وظیفهدن اوزاقلاشدیریلان میللی تهلوکهسیزلیک عذره دانیشمانی جان بولتونو، ایسرایلین باش ناظیری بنیامین نتانیاهونو، سعودیه عربیستانینین ولیعهد شاهزادهسی محمد بن سلمانی و دبی-نین ولیعهد شاهزادهسی محمد بن زیدی امریکانی ایرانا قارشی محاربهیه تحریک ائتمکده اتهام ائدیر.