ایراندان آمریکایا اعتراض یازیسی
آرالارین‌دا دیپلوماتیک ایلیشکی اولمایان تهران ایله واشینگتونون فعالیتلری سوئیس اوزرین‌دن یئریدیلیر
ایران، تهران‌داکی سوئیس ائلچیلیگی آراچیلیغی ایله آمریکا بیرلشمیش دؤولتلرینه وئردیگی اعتراض یازیسیندا سعودی عربیستانین نفت تاسیسلرینه سالدیریلا باغلی یؤنلدیله‌ن اتهاملاری رد ائد‌رک، هر جور سالدیرییا قارشیلیق وئریله‌جگینی بیلدیردی.
ایرانین یاری رسمی خبر آژانسی ایسنایا گؤره، تهران رهبرلیگی دونن، آمریکانین ایران‌داکی دیپلوماتیک فعالیتلرینی یئریدن سوئیس ائلچیلیگی آراچیلیغی ایله سعودی عربیستانین میللی نفت شیرکتی سعودی آرامکویا قارشی سالدیری ایله باغلی ایرانی سوچلایان واشینگتونا اعتراض یازیسی وئردی.
سعودی عربیستانین نفت تاسیسلرینه سالدیرینین آردین‌دان آمریکا مقاملارینین ایرانی سوچلایاراق بو اؤلکه‌نی حربی سالدیری ایله تهدید ائتمه‌سینه قارشیلیق وئریله‌ن یازیدا، "آمریکانین ایرانا قارشی هر جور گیریشیمینه قارشیلیق وئریله‌جگی" بیلدیریلدی.
یازیدا، آمریکانین سوچلامالاری رد ائدیله‌رک، آرامکو تاسیسلرینه سالدیرینین ایران طرفین‌دن باش وئرمه‌دیگی ایفاده ائدیلدی.
آرالارین‌دا دیپلوماتیک ایلیشکی اولمایان تهران ایله واشینگتونون فعالیتلری سوئیس اوزرین‌دن یئریدیلیر.
ایلگیلی‌لی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطه‌نی ووروب
