موسوی:" روحانی و دونالد ترامپ گؤروشو گوندمده یوخ‌دور"
ایران خاریجی ایشلر ناظیرلیگی‌نین سؤزچوسو عباس موسوی پرزیدنت حسن روحانی و امریکا پرزیدنتی دونالد ترامپ گؤروشونون گوندمده اولمادیغینی سؤیله‌دی.
ایران خاریجی ایشلر ناظیرلیگی‌نین سؤزچوسو عباس موسوی پرزیدنت حسن روحانی و امریکا پرزیدنتی دونالد ترامپ گؤروشونون گوندمده اولمادیغینی سؤیله‌دی.
موسوی بونو پایتاخت تهراندا تشکیل ائتدیگی مطبوعات کنفرانسیندا دئییب.
سؤزچو پرزیدنت روحانی‌نین بو آیین سونوندا بیرلشمیش میللت‌لر تشکیلاتی‌نین (بمت) باش مجلیسی‌نین ایجلاس‌لاری اوچون امریکایا گئدجگینی، بو اؤلکه‌نین تحریم لیسته سینه سالینان خاریجی ایشلر ناظیری محمد جاواد ظریفین ده شرط‌لر اویغون اولاجاغی تقدیرده اونو موشاییت ائدجگینی سؤیله‌ییب.
روحانی ایله ترامپین نیویورکدا گؤروش کئچیره بیله جگینه دایر اولوسلار آراسی مئدیادا یاییلان خبرلره موناسیبت بیلدیرن موسوی "من بو خبرلری تصدیقله‌میرم. بئله بیر پروقرام گوندمده یوخ‌دور، نیویورکدا بو گؤروشون باش توتاجاغینی دا دوشونمورم" دئییب.
موسوی "جناب روحانی‌نین دئدیگی کیمی، فوتوشکیل اوچون دانیشیق‌لار آپارمیریق. گؤروش کونکرت نتیجه‌لر وئرمه‌لی‌دیر. اول ده دئدیگیمیز کیمی، امریکا آتوم راضیلاشماسینا قاییدارسا و ایقتیصادی تروریزمه سون قویارسا، آتوم سازیشی بیرگه کمیسیونونا قوشولا و طلب‌لرینی دیله بیلر." ایفاده‌سینی ایشلدیب.
امریکا رهبرلیگی‌نین سعودیه عربیستانی‌نین نفت تاسیس لرینه هوجومدا ایرانی اتهام ائتمه‌سینه ده توخونان موسوی "امریکا رسمی‌لری‌نین ایرانا قارشی" ماکسیموم یالان" سیاستینه اویغون اولا‌راق ایره‌لی سوردوگو بو ادعا‌لار اساس‌سیز و قبول ائدیلمزدیر." دئییب.
پرزیدنت رجب طییب اردوغانین ائو صاحیبلیگینده ایران پرزیدنتی حسن روحانی و روسیا فدراسیونونون پرزیدنتی ولادیمیر پوتین‌ین ایشتیراکی ایله پایتاخت آنکارادا بو گون کئچیریله‌جک ذیروه گؤروشونه گلدیکده ایسه، "اومید ائدیرم کی، بو گؤروش سوریه خالقی و بؤلگه اوچون یاخشی نتیجه‌لر وئره‌جک‌دیر" دئیه بیلدیریب.
ایلگیلی‌لی خبرلر
اوکراینا روسیانین حربی ایتکی‌لرینی آچیقلاییب
بو باره‌ده اوکراینا سلاحلی قوه‌لری‌نین باش قرارگاهی‌نین "فیسبوک" صحیفه‌سینده بیلدیریلیب.
