روسیادان الحاق تپکیسی
"ایسراییلین، اومودلارین بالتالانماسینا سبب اولاجاق پلانلارینا قارشی راحاتسیزلیغیمیزی پایلاشیریق"
روسیا، ایسراییل باشباخانی بنیامین نتانیاهونون اشغال آلتین‌داکی اردن چایینین باتی ساحلینده یئر آلان اردن وادیسینی "ایسراییله الحاق ائتمه" وعدینه تپکی گؤستردی.
روسیا خاریجی ایشلر باخانلیغیندان وئریلن یازیلی آچیقلامادا، نتانیاهونون اردن وادیسی ایله باغلی ایفاده‌لرینین، عرب دونیاسی طرفین‌دن منفی قارشیلاندیغی قید ائدیله‌رک،
"ایسراییلین بؤلگه‌ده‌کی گرگین‌لیگی آرتماسینا و عرب قونشولاری ایله باریشین تامین اولماسی ایله باغلی اومودلارین بالتالانماسینا سبب اولاجاق پلانلارینا قارشی راحاتسیزلیغیمیزی پایلاشیریق" دئییلدی.
آچیقلامادا، فیلیسطین-ایسراییل مسئله‌سینین، بیرلشمیش میللتلر گوونلیک شوراسینین قطعنامه‌لری، مادرید پرینسیپلری و عرب باریش گیریشیمی چرچیوه‌سینده حل ائدیلمه‌سی لازیم اولدوغونا ایشاره ائدیلدی.
نتانیاهو، ۱۷ سپتامبردا گئچیریله‌جک ارکن سئچیمی اؤنجه‌سی گئچیردیی مطبوعات کونفرانسیندا یئنی‌دن سئچیلمه‌سی حالین‌دا "قیسا مدت ایچینده" اردن چایینین باتی ساحلینده یئر آلان اردن وادیسینین آمریکا بیرلشمیش دؤولتلری یؤنتیمی ایله ایش بیرلیگی ایچینده "ایسراییله الحاق ائدجگینی" دیله گتیرمیشدی.
