روحانی: " تحریم لر داوام ائتدیگی بیر مودتده امریکا ایله دانیشیق‌لارین معناسی یوخ‌دور"

ایران پرئزیدئنتی حسن روحانی امریکا رهبرلیگی‌نین تحریم لری داوام ائتدیردیگی حالدا موذاکیره‌لرین بیر معناسی‌نین اولمایاجاغینی بیلدیردی.

1268328
روحانی: " تحریم لر داوام ائتدیگی بیر مودتده امریکا ایله دانیشیق‌لارین معناسی یوخ‌دور"

ایران پرئزیدئنتی حسن روحانی امریکا رهبرلیگی‌نین تحریم لری داوام ائتدیردیگی حالدا موذاکیره‌لرین بیر معناسی‌نین اولمایاجاغینی بیلدیردی.

ایران جمهور باشقانلیغیندان وئریلن معلوماتا گؤره، اؤلکه پرزیدنتی حسن روحانی ایله فرانسا پرزیدنتی امانوئل ماکرون آراسیندا تلفون دانیشیغی اولوب.

پرزیدنت‌لر تلفون گؤروشونده اتوم موقاویله‌سینی و امریکا ایله دانیشیق‌لاری موذاکیره ائدیب‌لر.

روحانی امریکانین چوخ طرف‌لی اولوسلار آراسی اتوم موقاویله‌سینی بیرطرف‌لی شکیلده لغو ائتمکله مسئولیت‌دن یاییندیغینی قئید ائده‌رک: "ایران حکومتینه، پارلامئنتینه و خالقینا قارشی تحریم لر داوام ائتدیگی مودتده امریکا-لا دانیشیق‌لارین معناسی یوخ‌دور" ایفاده‌لرینی ایشلدیب.

ایران پرزیدنتی ایرانین آتدیغی اوچونجو آدیمین اولوسلار آراسی اتوم انرژی‌سی آژانسی‌نین (UAEA) نظارتینده آتیلاجاغینی و هر آن گئری دؤنوشون مومکون اولدوغونو دیله گتیره‌رک بون‌لاری بیلدیریب: "آوروپا بیرلیگی اؤلکه‌لری ایله یئکون راضیلیغا گله بیلسک، اتوم موقاویله‌سینده اوزریمیزه گؤتوردوگوموز عهده لیک لره گئری قاییداریق. ایران و 5+1 اؤلکه‌لری آراسینداکی گؤروش ده یالنیز تحریم لر لغو اولوندوغو تقدیرده مومکون اولا بیلر".

فرانسا پرزیدنتی امانوئل ماکرون دا تلفون گؤروشونده یئنی موقاویله اوچون امریکا اورقان‌لاری ایله آپاردیغی دانیشیق‌لاردان بحث ائدیب، فرانسانین اتوم موقاویله‌سی‌نین تطبیق ائدیلمه‌سی‌نین و راضیلیغین الده ائدیلمه‌سی‌نین تامین ائدیلمه‌سی اوچون سعی گؤسترمه‌یه داوام ائدجگینی قئید ائدیب.

ماکرون، عینی زاماندا، روحانییه فرانسانین موقاویله‌نین تامین ائدیلمه‌سی ایستیقامتینده بوندان سونرا آتاجاغی آدیم‌لاردان و حاضیرلادیغی پروقرامدان دانیشیب.



ایلگیلی‌لی خبرلر